काठमाडौं । रुकुम-पश्चिममा आज बिहान लु १ ज २२९७ नम्बरको जिप दुर्घटना हुँदा २२ जना घाइते भएका छन् । घाइतेमध्ये ७ जनाको अवस्था गम्भीर रहेको प्रहरीले जनाएको छ ।
रुकुम-पश्चिमको चौरजहारी नगरपालिका-८ गोइरीज्युलाको कालेगाउँ पुलनजिक जिप सडकबाट खसेको हो । जिप खोलागाउँदेखि सदरमुकाम मुसिकोटतर्फ जाँदै थियो ।
जिल्ला प्रहरी कार्यालय रुकुम-पश्चिमका अनुसार सदरमुकाम जाँदै गरेको लु १ ज २२९७ नम्बरको जीप दुर्घटनामा परी २२ जना घाइते भएको जानकारी दिए । प्रहरीका अनुसार ७ जनाको अवस्था गम्भीर छ ।
घाइतेहरुलाई चौरजहारी अस्पताल लगिएको प्रहरीले जनाएको छ । जिप तीव्र गतिमा रहेको तथा ओभर लोडका कारण दुर्घटना भएको हुनसक्ने अनुमान प्रहरीले गरेको छ ।
वि.सं.२०८० मंसिर ४ सोमवार ११:०३ मा प्रकाशित
