Sansar News
काठमाडौँ । चितवनको नारायणगढ-मुग्लिन सडकखण्डअन्तर्गत इच्छाकामना ५ स्थित तीन नम्बर पुल नजिकबाट सवारी साधन त्रिशूली नदीमा खसेको आशंकामा प्रहरीले खोजी सुरु गरेको छ ।
आज बिहान सवारी साधन त्रिशूली नदीमा खसेको आशंकामा गोताखोरसहितको टोलीले खोजी सुरु गरेको मुग्लिन प्रहरीले जनाएको छ ।
एक जना बस चालकले त्रिशूली नदीको बीचमा गाडीको बत्ती बलेको भनेर मुग्लिन प्रहरीलाई जानकारी दिएपछि खोजी सुरु गरिएको इलाका प्रहरी कार्यालय मुग्लिनले जनाएको छ ।
खोजीमा नेपाल प्रहरी, सशस्त्र प्रहरीको गोताखोर टोली परिचालन भएका छन् ।
वि.सं.२०८० माघ २ मंगलवार ०८:०७ मा प्रकाशित
