back

एनआरएनए कार्यक्रममा भाग लिन लन्डन आइपुगिन् चित्रकार सुजाना

वि.सं.२०८० फागुन ११ शुक्रवार

324 

shares
NTC AD
Global IME AD

लन्डन । युवा कलाकार, अनुसन्धानकर्ता तथा श्रीस क्रियटिभ आर्टस् इनिसिएटिभकी संस्थापक सुजाना थापा श्रीस लन्डन आइपुगेकी छन् ।

एनआरएनए यूकेको निमन्त्रणामा बिहीबार सांझ उनी लन्डन आइपुगेकी हुन् ।

हिथ्रो एयरपोर्टमा सुजानालाई एनआरएनए यूकेका अध्यक्ष प्रेम गाहामगर, एनआरएनए यूके गोर्खा टास्क फोर्सका संयोजक ओमप्रसाद थापा, संरक्षक डेभिड गुरुङ, एनआरएनए आइसीसी उपाध्यक्ष थर्क सेन, एनआरएनए यूके आइसीसी सदस्यहरु शारदा गुरुङ, सुमन पुन, लिला सेलिङ माबो, एनआरएनए यूके उपाध्यक्षहरु अनिल मल्ल, नम्रता घले लगायतले स्वागत गरेका थिए ।

सुजानाले एनआरएनए यूकेले ३ मार्चमा अल्डरसटस्थित प्यालेसमा गर्न लागेको अन्तर्राष्ट्रिय नारी दिवसमा विशेष आतिथ्य ग्रहण गर्नेछिन् । यस अलवा उनले दुई महिना बेलायतमा रहंदा यहां रहेका गोर्खा सैनिकका श्रीमतिहरुको कथा व्यथा अनुसन्धान पनि गर्ने कार्यक्रम छ । अनुसन्धान सकिएपछि सोही कथामा फिल्म निर्माण गर्ने सोच सुजानाको छ ।

सुजाना डकुमेन्ट्री मेकर, चित्रकार र पत्रकार पनि हुन् । उनले गत नोभेम्बरमा नेपाल आर्ट काउन्सिलमा गोर्खाका श्रीमतिहरुको कथा झल्काउने चित्रकला प्रदर्शनी ‘गोर्खा वीमनः एन इको इन द स्टोरी’ सफलतापूर्वक गरेकी थिइन् । पोट्रेटस, अडियो–भिज्यूअल सामग्री, कलाकृतिहरु आदि समावेश भएको उक्त प्रदर्शनीले धेरै दर्शकको ध्यान खिचेको थियो ।

उनले सन् २०१८ मा ‘भार्सेली गोर्खाः फ्रम स्टोरिज टु पोट्रेटस’ नाममा काठमाडौं, बुटवल र गुल्मीको भार्सेमा एकल चित्रकला प्रदर्शनी पनि गरेकी थिइन् ।

उनको सामूहिक चित्रकला प्रदर्शनी ‘ब्ल्याक एण्ड ह्वाइट’ भने सन् २०१५ मा काष्ठमाण्डप आर्ट स्टुडियोमा भएको थियो ।

‘गाउं आएको बाटो’ (अ रोड टु अ भिलेज) फिचर फिल्ममा पनि उनले आर्ट डिरेक्टरको भूमिका निर्वाह गरेकी थिइन् । हिट्स एफएममा झण्डै ७ वर्ष रेडियो प्रस्तोता समेत भएर काम गरेको अनुभव उनीसंग छ ।

 

एनआरएनए यूके अध्यक्ष गाहामगरले अन्तर्राष्ट्रिय नारी दिवस कार्यक्रममा प्रमुख आतिथ्य ग्रहण गर्न उपसभामुख इन्दिरा रानामगर २ मार्च बेलुका लन्डन आइपुग्ने जनाए ।

नारी दिवस कार्यक्रममा बीबीसीको १०० प्रभावशाली महिलाको सूचीमा पर्न सफल सपना रोकामगर समेत विशेष अतिथीका रुपमा सहभागी हुनेछिन् ।

एनआरएनए यूकेले उक्त कार्यक्रममा सहभागिताका लागि सबैमा अपिल गरेको छ ।

वि.सं.२०८० फागुन ११ शुक्रवार १५:२९ मा प्रकाशित

NLIC AD
NABIL bank AD
सुदूरपश्चिमसहित तीन प्रदेशका केही स्थानमा हुरीबतासको सम्भावना !

सुदूरपश्चिमसहित तीन प्रदेशका केही स्थानमा हुरीबतासको सम्भावना !

काठमाडौँ । हाल देशमा पश्चिमी वायु र स्थानीय वायुको आंशिक...

मानव-हात्ती द्वन्द्व घटाउन सौर्य तारबार

मानव-हात्ती द्वन्द्व घटाउन सौर्य तारबार

बनियानी (झापा) । मानव-हात्ती द्वन्द्व घटाउन झापाका विभिन्न स्थानमा ७६...

भगवान् रामको पूजा आराधना गरी राम नवमी मनाइँदै

भगवान् रामको पूजा आराधना गरी राम नवमी मनाइँदै

काठमाडौँ । आज चैत शुक्ल नवमी अर्थात् मर्यादा पुरुषोत्तम श्रीरामको...

पूर्वीनाकामा अवैध व्यापारलाई निरुत्साहित गर्न सभामुख घिमिरेको आग्रह

पूर्वीनाकामा अवैध व्यापारलाई निरुत्साहित गर्न सभामुख घिमिरेको आग्रह

झापा । प्रतिनिधिसभाका सभामुख देवराज घिमिरेले पूर्वीनाका काँकरभिट्टाबाट हुने अवैध...

काठमाडौं महानगरमा भोलिदेखि क्यान्सरको निःशुल्क परीक्षण हुँदै

काठमाडौं महानगरमा भोलिदेखि क्यान्सरको निःशुल्क परीक्षण हुँदै

काठमाडौँ । काठमाडौँ महानगरपालिका (कामपा) ले भोलि (बुधबार) देखि क्यान्सरको...

सुदूरपश्चिम प्रदेशको मुख्यमन्त्रीमा दाबी पेश गर्न दोस्रो पटक आह्वान

सुदूरपश्चिम प्रदेशको मुख्यमन्त्रीमा दाबी पेश गर्न दोस्रो पटक आह्वान

सुदूरपश्चिम । सुदूरपश्चिम प्रदेशका प्रमुख नजिर मियाँले नेपालको संविधानको धारा...