Logo
२२ श्रावण २०७९, आईतवार
     Sun Aug 7 2022
E-paper
  English Edition
   Unicode
Logo

‘एमाले देशभक्त र राष्ट्रियताका पक्षमा अडिग’



२२ वैशाख, काठमाडौ । नेकपा (एमाले)का अध्यक्ष केपी शर्मा ओलीले आफ्नो दल सबैको साझा भएको बताउनुभएको छ ।

एमाले पार्टी कार्यालय धूम्रबाराहीमा आज आयोजित पार्टी प्रवेश कार्याक्रममा उहाँले एमाले देशभक्त र राष्ट्रियताका पक्षमा सधैँ अडिग र लोकतन्त्रको पक्षधर पार्टी भएकोे जिकिर गर्नुभयो ।
अर्काे प्रसङ्गमा उहाँले स्थानीय निर्वाचनमा राप्रपासँग तालमेल गर्नाको कारण स्थानीय आवश्यकता र राष्ट्रिय विषय हो भन्दै उहाँले यो देश बनाउनका लागि गरिएको तालमेल भएको बताउनुभयो ।

स्थानीय तहको चुनावमा काठमाडौं र ललितपुर महानगरमा राप्रपासँग गरिएको चुनावी तालमेल पार्टीलाई अझै बलियो बनाउन र देशलाई जिताउन गरिएको ओलीको भनाइ थियो ।
पार्टी प्रवेश

कार्यक्रममा नेकपा (माओवादी केन्द्र) का नेता प्रा डा मुकुन्द गजुरेलसहितको समूह नेकपा एमालेमा प्रवेश गरेको छ । त्यस्तै नेकपा (माले) का वैकल्पिक पोलिटब्युरो सदस्य कपिल पोखरेल एक सय २५ सहित एमालेमा प्रवेश गर्नुभएको छ ।

यसैबीच काठमाडौँ महानगरपालिका र यहाँका अन्य नगरपालिकाका उम्मेदवारको सामूहिक परिचयात्मक कार्यक्रम आज सम्पन्न भएको छ । एमाले काठमाडौँ जिल्ला कमिटीले आयोजना गरेको र अध्यक्ष ओली एवं शीर्ष नेतासहित सहभागी सो कार्यक्रममा महानगरपालिकाका प्रमुखका उम्मेदवार विद्यासुन्दर शाक्य, उपप्रमुखका उम्मेदवार राष्ट्रिय प्रजातन्त्र पार्टीका राजाराम श्रेष्ठलगायत सहभागी हुनुहुन्थ्यो ।


यो खबर पढेर तपाईलाई कस्तो महसुस भयो ?

काठमाडौं । सुनचाँदी बजारमा आज छापावाल सुनको मूल्य प्रतितोला रु ९६ हजार ३ सय

काठमाडौं । डा. बाबुराम भट्टराई र महेन्द्र राय यादव अध्यक्ष रहेको नेपाल समाजवादी पार्टीको

काठमाडौं । आम निर्वाचनको मिति घोषणा भएसँगै पाँच दलीय सत्ता गठबन्धनका नेताहरु तालमेलको गृहकार्यमा