back

पत्रकार महासङ्घ युरोपको अध्यक्षमा केजिन राई

वि.सं.२०८१ वैशाख २० बिहीवार

516 

shares
RBB AD
NTC AD

लिस्बन (पोर्चुगल) । नेपाल पत्रकार महासङ्घ युरोप शाखाको पाँचौँ अधिवेशनले केजिन राईको अध्यक्षतामा सर्वसम्मत नयाँ कार्यसमिति चयन गरेको छ । बुधबार जुममार्फत सम्पन्न अधिवेशनले राईको अध्यक्षतामा आगामी तीन वर्षे कार्यकालका लागि ३९ सदस्यीय नयाँ कार्यसमिति सर्वसम्मत चयन गरेको हो ।

कार्यसमितिको उपाध्यक्षमा राजकुमार थापा, प्रेम पोमु, दिलनिशानी मगर, द्रोण रिजाल र बासु सत्याल चयन भएका छन् । महासचिवमा शेरबहादुर परियार, उपमहासचिवमा भरत प्रधान, कलश खरेल र अशिम लोप्चन चयन भएका छन् । सचिवमा महिन्दो वाइवा, रमेशराज बाँस्तोला र दिनेश गौतमलाई चयन हुनुभएको छ भने कोषाध्यक्षमा इन्दिरा चाम्लिङ चयन भएका छन् ।

साथै सदस्यमा भोला लामिछाने (स्पेन), वाइबी गुरुङ (डेनमार्क), कमल पराजुली (स्पेन), किशोर सुब्बा (पोर्चुगल), सन्जु काउछा (फिनल्यान्ड), दीपक भण्डारी (पोर्चुगल), बिनोद अधिकारी (क्रोएसिया), दीपक खतिवडा (पोर्चुगल), जसमान दर्नाल (जर्मनी), प्रकाश बगाले (माल्टा), पुस्तक रेग्मी (पोर्चुगल), लाक्पा तेन्जी शेर्पा (रोमानिया), धनराज विक (माल्टा), जनक बराल (बेल्जियम), नवराज दवाडी (पोर्चुगल), सेन्छेलुङ पतङ्वा (जर्मनी), बलराम राई (पोर्चुगल) कमल पन्थी (हंगेरी), माधव पोखरेल (इटाली), घनश्याम गौतम (स्पेन), सुभाष चाम्लिङ (बेल्जियम), तुलसा घिमिरे (पोर्चुगल), सर्मिला गुरुङ ठकुरी (पोर्चुगल्र), अमृता राई (रोमानिया) र मनि तमु सर्वसम्मत चयन भएका छन् ।

अधिवेशनमा सम्बोधन गर्दै नेपाल पत्रकार महासङ्घका केन्द्रीय अध्यक्ष विपुल पोख्रेलले प्रेस स्वतन्त्रताको मुद्धामा नेपाली पत्रकारहरुले अहिले पनि लडाई लड्नुपर्ने अवस्था रहेको बताए । प्रेस स्वतन्त्रताको सन्दर्भमा नेपाली पत्रकारिता चुप लागेर बस्ने अवस्था नरहेको उल्लेख गर्दै पोखे्रलले श्रमजीवि पत्रकार र प्रेस स्वतन्त्रताको लडाईमा सबै पत्रकारहरु एक भएर लाग्नुपर्नेमा जोड दिए ।

पोख्रेलले विदेशी भूमिमा रहेर पत्रकारिता गर्दा पत्रकारिताको मूल्य मान्यता र सम्बन्धित देशको कानुनलाई समेत ध्यानमा राख्न आग्रह गरे । महासङ्घ सबै पत्रकारको साझा संस्था रहेको उल्लेख गर्दै उहाँले महासङ्घलाई बलियो र एकताबद्ध बनाउनुपर्ने धारणा समेत ब्यक्त गरे ।

शाखा अध्यक्ष प्रेम परियारको अध्यक्षता, उपाध्यक्ष राजकुमार थापाको स्वागत तथा महासचिव द्रोण रिजालको सञ्चालनमा सम्पन्न भएको कार्यक्रममा बेल्जियम तथा युरोपियन युनियनका लागि नेपाली राजदूत गेहेन्द्र राजभण्डारी, नेपाल प्रेस युनियनका अध्यक्ष शिव लम्साल, प्रेस सेन्टर नेपालका अध्यक्ष विष्णु सापकोटा, समाजवादी प्रेस सङ्गठन नेपालका अध्यक्ष विश्वमणि सुवेदी, प्रेस चौतारी नेपालका उपाध्यक्ष देविका घर्ती, नेपाल अमेरिका पत्रकार सङ्घ (नेजा)का अध्यक्ष सुरज भण्डारी, नेपाल आदिवासी जनजाति पत्रकार महासङ्घ (फोनिज) का केन्द्रीय अध्यक्ष गजुरधन राई, नेपाल पत्रकार महासङ्घ जापान शाखाका अध्यक्ष शान्त पहारी, प्रेस सेन्टर नेपालका उपमहासचिव राजेश चाम्लिंग राईलगायतले शुभकामना मन्तब्य ब्यक्त गरेका थिए ।

महासङ्घका प्रतिनिधि नरेश खपाङ्गी मगर तथा महासङ्घ केन्द्रीय सचिव सृजना अर्यालको संयोजकत्वमा केन्द्रीय सदस्यहरु सुनिल खड्का, रमेश खतिवडा, सरिता बराईली, केसी लामिछाने र रिङ्कुकुमारी मिश्र गठित निर्वाचन समितिले नयाँ कार्यसमिति सर्वसम्मत चयन गरेको हो ।

अधिवेशनले १० बुँदे घोषणापत्र समेत जारी गरेको छ ।

 

वि.सं.२०८१ वैशाख २० बिहीवार १५:११ मा प्रकाशित

NLIC AD
NABIL bank AD
जेठ सातमा राष्ट्रिय संयुक्त संघर्ष समितिको प्रदर्शन

जेठ सातमा राष्ट्रिय संयुक्त संघर्ष समितिको प्रदर्शन

काठमाडौं । राष्ट्रिय संयुक्त संघर्ष समितिले आगामी जेठ सातमा जन...

१४ वर्ष कोरिया बसेर फर्किएका पुन माछापालनमा रमाउँदै

१४ वर्ष कोरिया बसेर फर्किएका पुन माछापालनमा रमाउँदै

गलकोट (बागलुङ) । बागलुङ नगरपालिका–४ निरयघाटमा १४ रोपनी जग्गामा लक्ष्मण...

मकवानपुरमा टाटा सुमो दुर्घटना हुँदा दुईजनाको मृत्यु, एक घाइते

मकवानपुरमा टाटा सुमो दुर्घटना हुँदा दुईजनाको मृत्यु, एक घाइते

मकवानपुर । जिल्लाको बकैया गाउँपालिका–१२ चौतारास्थित कान्तिलोकपथमाआज बिहान सवारी दुर्घटना...

व्यक्ति केन्द्रित समिति गठन गर्न नहुने एमाले उपाध्यक्ष पोखरेलको भनाई

व्यक्ति केन्द्रित समिति गठन गर्न नहुने एमाले उपाध्यक्ष पोखरेलको भनाई

मोरङ । नेपाल कम्युनिष्ट पार्टी (एमाले)का वरिष्ठ उपाध्यक्ष ईश्वर पोखरलले...

सञ्चालनमा आयो भेरी करिडोरको तल्नुबगर ‘बेलिब्रिज’

सञ्चालनमा आयो भेरी करिडोरको तल्नुबगर ‘बेलिब्रिज’

डोल्पा । त्रिदेशीय व्यापारिक सडक भेरी करिडोरको प्रमुख पूर्वाधारका रुपमा...

उत्पादन बढाउने उद्धेश्यले गोरखाका किसानलाई अनुदानमा ट्र्याक्टर

उत्पादन बढाउने उद्धेश्यले गोरखाका किसानलाई अनुदानमा ट्र्याक्टर

गोरखा । जिल्लाको गण्डकी गाउँपालिका–५ का १९ जना किसानलाई ५०...