back

इजरायलमा चुनाव र गाजा बन्धकहरूको फिर्तीको माग गर्दैै सरकारविरुद्ध विरोध प्रदर्शन

वि.सं.२०८१ असार ९ आइतवार

180 

shares
RBB AD
NTC AD
Rastriya Swastha Sikshya Suchana Tatha Sanchar Kendra

तेल अभिभ । इजरायलमा नयाँ चुनाव र गाजाका बन्धकलाई फिर्ता गर्न आह्वान गर्दै शनिबार राति हजारौं आन्दोलनकारीले इजरायलका विभिन्न भागमा सरकार विरोधी प्रदर्शन गरेको द टाइम्स अफ इजरायलले जनाएको छ ।

सत्तारूढ लिकुड पार्टीको मुख्यालय रहेको बेइट जबोटिन्स्की बाहिर किङ जर्ज स्ट्रिटमा इजरायली नागरिकले विरोध प्रदर्शन गरेका हुन् । केही प्रदर्शनकारीले जतिसक्दो छिट्टै निर्बाचन गर्नुपर्ने र गाजामा लडाइँ अन्त्य गर्न आह्वान गर्दै प्रदर्शनमा भाग लिएका थिए ।

मुख्य ¥याली समाप्त भएपछि प्रदर्शनकारीले टायर जलाएर सडक अवरुद्ध गरेका थिए । द टाइम्स अफ इजरायलले रिपोर्ट गरेअनुसार भीडलाई नियन्त्रण र सडक खाली गर्ने क्रममा तैनाथ प्रहरीले तीन जना प्रदर्शनकारीलाई पक्राउ गरेको थियो ।

यसैबीच, हजारौं व्यक्तिले आजजा स्ट्रिटमा रहेको इजरायली प्रधानमन्त्री नेतान्याहुको निवास बाहिर पनि विरोध प्रदर्शन गरेका छन् ।प्रदर्शनकारीले हमासद्वारा बन्धक बनाइएका परिवारका सदस्यको नेतृत्वमा तत्काल सम्झौता र चाँडै चुनावको माग गर्दै किङ जर्ज स्ट्रिटमा पदयात्रा गरे । प्रदर्शनकारीले नेतान्याहुको सरकारले हेजबुल्लाह गोलीकाण्डका कारण आठ महिनाभन्दा बढी समयदेखि विस्थापित भएका इजरायलको सङ्कटग्रस्त उत्तरी समुदायका करिब ६० हजार बासिन्दालाई बेवास्ता गरेको आरोप लगाएका छन् ।

‘होस्टेज एन्ड मिसिङ फेमिलीज फोरम’ले देशभरि ¥याली आयोजना गरेको छ । उनीहरूले नोभेम्बरमा हमासले कैदबाट रिहा गरेका बन्धकहरूको सम्बोधन गर्न पनि आग्रह गरिएको छ । अक्टोबर ७ मा हमासद्वारा बन्धक बनाइएका ११६ जना गाजामा रहेका छन्, तिनीहरू सबै जीवित छैनन् भन्ने विश्वास गरिन्छ । युद्धलाई स्थायी रूपमा अन्त्य गर्ने ढाँचाभित्र मात्र बन्धकहरूलाई रिहा गर्ने हमासको मागलाई इजरायलले अस्वीकार गर्दै आइरहेको छ ।

यसैबीच, बन्धक नामा लेवीको २० औँ जन्मदिन मनाउन तेल अबिबमा हजारौँ मानिसहरूले ¥याली निकालेका छन् । नामा लेवीका बुबा, योनी लेवीले भने, “उनी यहाँ आफ्नो परिवारसँग, आफ्ना साथीहरूसँग हुनु आवश्यक छ ।” नाहल ओज सैन्य आधारबाट नामालाई अपहरण गरेपछि उनी हमासको एउटा भिडियो टेलिग्राममा देखापरेका थिए । भिडियोमा उनको हात बाँधिएको र प्यान्ट रगत र मैलोले ढाकिएको थियो ।

हमास लडाकूले दक्षिणी इजरायलमा आक्रमण गरी करिब एक हजार २०० जनाको हत्या गरी २५१ जना बन्धक बनाएपछि अक्टोबर ७ मा सुरु भएको युद्धलाई सरकारले नियन्त्रण गरेको भन्दै विरोधमा प्रदर्शनकारीहरूले हरेक शनिबार राति महिनौँदेखि विरोध प्रदर्शन गर्दै आएका छन् । (रासस÷एएनआई)

वि.सं.२०८१ असार ९ आइतवार २०:१२ मा प्रकाशित

NLIC AD
NABIL bank AD
ADBL AD
लोकतन्त्रका लागि गोली खाएको अमेरिकी पूर्वराष्ट्रपति ट्रम्पको भनाइ

लोकतन्त्रका लागि गोली खाएको अमेरिकी पूर्वराष्ट्रपति ट्रम्पको भनाइ

  ग्रयाण्ड ¥यापिड्स, संयुक्त राज्य अमेरिका । अमेरिकाका पूर्व राष्ट्रपति...

बङ्गलादेशमा विद्यार्थी आन्दोलन : रोजगारीको कोटासम्बन्धी नियमबारे आइतबार सुनुवाई गर्ने

बङ्गलादेशमा विद्यार्थी आन्दोलन : रोजगारीको कोटासम्बन्धी नियमबारे आइतबार सुनुवाई गर्ने

ढाका । बङ्गलादेशमा व्यापक हिंसा भड्किएपछि सर्वोच्च अदालतले सरकारी जागिरमा...

‘लोकतन्त्रका लागि गोलीको चोट सहनुपरेकाे’ अमेरिकी पूर्वराष्ट्रपति ट्रम्पको भनाइ

‘लोकतन्त्रका लागि गोलीको चोट सहनुपरेकाे’ अमेरिकी पूर्वराष्ट्रपति ट्रम्पको भनाइ

ग्रयाण्ड र्‍यापिड्स, संयुक्त राज्य अमेरिका । अमेरिकाका पूर्व राष्ट्रपति डोनाल्ड...

बङ्गलादेशमा बढ्दो विद्यार्थी आन्दोलन : प्रधानमन्त्री शासनका लागि गम्भीर चुनौती

बङ्गलादेशमा बढ्दो विद्यार्थी आन्दोलन : प्रधानमन्त्री शासनका लागि गम्भीर चुनौती

ढाका । बढ्दो विद्यार्थी आन्दोलनका साताहरू बङ्गलादेशको स्मृतिमा सबैभन्दा खराब...

जासुसी गरेको आरोपमा रुसमा अमेरिकी पत्रकारलाई १६ वर्षको कारागार सजाय

जासुसी गरेको आरोपमा रुसमा अमेरिकी पत्रकारलाई १६ वर्षको कारागार सजाय

येकातेरिनबर्ग (रुस) । अमेरिकी संवाददाता इभान गेर्शकोभिचलाई शुक्रबार रुसको एक...

हाइटीमा आप्रवासी बोकेको डुङ्गामा आगलागी हुँदा ४० जनाको मृत्यु

हाइटीमा आप्रवासी बोकेको डुङ्गामा आगलागी हुँदा ४० जनाको मृत्यु

पोर्ट–अउ–प्रिन्स । हाइटीको उत्तरी तटमा एक डुङ्गामा आगलागी हुँदा कम्तीमा...