Sansar News
काठमाडौं । नेपाल विद्युत् प्राधिकरणले सडक बत्तीको बक्यौता महसुल बुझाउन स्थानीय तहहरूलाई किस्ताबन्दीको सुविधा दिने भएको छ ।
प्राधिकरणले आज आइतबार एक सूचना जारी गर्दै सडक बत्ती जडान गरी विद्युत् उपभोग गरेका स्थानीय तहहरूले तिर्नुपर्ने थप दस्तुर सहितको बक्यौता विद्युत् महसुल बढीमा ६० महिना सम्मको किस्ताबन्दीमा बुझाउन पाउने व्यवस्था गरेको बताएको छ ।
प्राधिकरणले सूचना मार्फत सम्बन्धित स्थानीय तहहरूले ४५ दिनभित्र प्राधिकरणको सम्बन्धित वितरण केन्द्रमा सम्पर्क गरी किस्ताबन्दीका लागि आवेदन दिन आग्रह गरेको छ ।
त्यस्तै प्राधिकरणले समयमै आवेदन दिएर किस्ताबन्दीको सुविधा उपभोग गर्न पनि भनेको छ ।
यस्ताे छ सूचना :
वि.सं.२०८१ असार १६ आइतवार १२:५३ मा प्रकाशित
