हामी सबैकाे संसारन्यूज

स्वर्ण शिखा, दाङ

दिनरात सदनभित्र खुराफात हुँदै छ
लाग्दै छ मुलुकमा अब उत्पात हुँदै छ

सीमातिर जाऊ सहजै बुझ्न भए मन
कसबाट यहाँ के कसरी घात हुँदै छ

केको छ हतारो घर पुग्ने अहिल्यै नै
धेरैपछि भर्खर त मुलाकात हुँदै छ

उपदेश लिने चाह भए बुझ्दछ मान्छे
सुन्दा छ तितो किन्तु सही बात हुँदै छ

पेसा कृषि हो भन्दछ सरकार सधैँ नै
दैनिक तर कोदो पनि आयात हुँदै छ

बहर : हजज मुसम्मन अखरब मक्फुफ महजुफ
अर्कान : मफऊलु मुफाईलु मुफाईलु फऊलुन्
वजनः २२१, १२२१, १२२१, १२२
अभ्यासः परिश्रमी पाठशाला (बहर–छन्दशाला )