हामी सबैकाे संसारन्यूज

१० जेठ, काठमाडौँ । विगत डेढ दशक देखि विश्व फुटबल जगतमा चिरपरिचित नाम हो क्रिष्टियानो रोनाल्डो रियल म्याड्रिडबाट व्यवसायिक फुटबल खेल्दै आएका पोर्चुगिज खेलाडी आफ्नो टिमलाइ अति आवशयक परेको खण्डमा टिमलाइ जिताउन लागि पर्छन ।

अघिल्लो सिजन पोर्चुगललाई युरो कप तथा उनको क्लब रियललाइ च्याम्पियन्स लिगको उपाधि दिलाउन महत्वपुर्ण भुमिका खेलेका रोनाल्डो यो सिजनमा पनि राम्रो पर्दशन गर्दै रियललाई लालिगाको उपाधि दिलाएका छन् साथै उनको क्लब रियल म्याड्रिड च्याम्पियन्स लिगको फाइनलमा पुगिसकेको छ । च्याम्पियन्स लिगको क्वार्टर र सेमिफाइनलमा रोनाल्डो उत्कृष्ट प्रर्दशनको सहयोगमा रियलले फाइनलको यात्रा तय गरेको हो ।
रोनाल्डोले च्याम्पियन्स लिगको क्वार्टर र सेमिफाइनलका ४ खेलममा ८ गोल गरेका थिए । जब उनका आलोचकहरुले उनको खेल कौशल माथि प्रश्न उठाउन थाल्छन तब आफ्नो उत्कृष्ट खेल पस्केर आलोचकलाई गतिलो जवाफ फर्काउछन् ।
लालिगाको उपाधि जितिसकेको रियलले आउदो जुन ३ मा हुने च्याम्पियन्स लिगको फाइनलमा इटलीको लिग विजेता युभेन्ट्सको सामना गर्दा रोनाल्डोले कस्तो प्रदर्शन गर्लान भन्ने कुरा सर्वत्र चासोको विषय बनेको छ । रोनाल्डो सामु फेरि रियललाई अर्काे उपाधि जिताउने अवसर तथा आफुलाई फेरिपनि पाँचौ बेलोन डिओर अवार्डको हकदार सावित गर्ने अवसर तथा चुनौती रहेको छ ।