११ बैशाख काठमाडौँ । स्पेनिश क्लब रियल म्याड्रिडले ब्राजिलियन १६ वर्षे खेलाडी भिनिसियस जुनियरलाई क्लबमा अनुबन्धन गर्ने सम्झौता गरेको छ । ब्राजिलियन क्लब फ्लेमेंगो बाट व्यवसायिक फुटबल खेल्दै आएका १६ वर्षिय किशोरलाई रियलले ४५ मिलियन युरोमा अनुबन्ध गर्ने सम्झौता गरेको हो । भिनियस रियलमा अनुबन्ध भएतापनि सन् २०१९ बाट मात्र रियलमा जाने सम्झौतामा उल्लेख गरिएको छ ।
दक्षिण अमेरिकी अण्डर १५ च्याम्पियनशिपमा ब्राजिलको प्रतिनिधित्व गर्दै ७ गोल गरेका भिनिसियसले क्लब बाट भने गत मे महिनामा मात्र डेब्यु गरेका थिए । भिनिसियसलाई भविष्यको नेयमारको संज्ञा दिइएको छ । सम्झौता सँगै भिनिसियस सबै भन्दा कम उमेरमा महंगो रकममा अनुबन्धित हुने खेलाडी समेत बनेका छन् । भिनिसियसमा गोल तथा ड्रिवल गर्ने निकै राम्रो क्षमता रहेको छ । उनलाइ ब्राजिलियन फुटबलको उदाउदो ताराको रुपमा लिइएको छ ।
