सार्दीखोला सेवा समाज कतारले रामसिंह तामाङलाई हवाई टिकट सहयोग गरेको छ । माछापुछ्रे गाउपालिका २ सार्दिखोला खैम्राङ स्थाई घर भइ हाल माछापुछ्रे गाउपालिका – २, वांजोखेत वसोवास भएका कतारमा कृयासिल कास्की सार्दिखोला समाजले तामाङलाई स्वदेश फिर्तिको निम्ती एकतर्फी हवाइ टिकट सहयोग गरेको हो । उनि २१ जुलाई २०१७ का दिन हिमालयन एरलाइन्सवाट स्वदेश फिरेका छन् ।
विगत एकवर्षअघि फोरमेन भनी कतार आईपुगेका तामाङका अनुसार लेवरमै आफुले काम गर्नुपरेको थियो । विगत केही महिना अघी देखी तलव नपाएको र आफ्नो अवस्थता कारण स्वदेश फिर्ती हुन चाहेर कम्पनिमा आग्रह गर्दा टिकट आँफै ल्याउनु पर्ने बताएपछि उनले सो कुरा समाजलाई सुनाएका थिए । सहयोगको आग्रह गरेका तामांगको सहयोगको लागी सस्थाले बैठक बसी सहयोग गर्ने निर्णय गरेको हो । तामांगलाई वर्तमान सचिव शपारसिङ तामाङले टिकट व्यवस्थापन गरी तामाङलाई हस्तान्तरण गरेका छन् ।
