महिला समाजले कतारको सरकारी हस्पिटल हमादमा रक्तदान गरेको छ । महिला समाजले मे २६ का दिन कतारमा आयोजना गरेको रक्तदान कार्यक्रममा कतारमा रहेको विभिन्न वैचारिक संगठन लगायत अन्य संघसंस्थाहरुको पनि उल्लेख्य उपस्थित रहेको थियो । कार्यक्रममा उपस्थित ८१ जनाले रक्तदान गरेका थिए । कतिपय विरामीहरु रक्तको अभावले भौतारी रहेको अवस्थामा आफूहरुले गरेको थोरै सहयोगबाट यदि कसैको जीवन दानमा परिणत हुन्छ भने किन सहयोग नगर्ने भन्ने सोचका साथ रक्तदान कार्यक्रम राखिएको महिला समाजकी अध्यक्ष सुस्मिता भट्टराईले जानकारी दिइन ।
कार्यक्रममा महिला समाजका सदस्यहरुको पनि त्यति नै सहयोग रहेको थियो र त्यति नै खट्नु भएको थियो । कार्यक्रमको अग्रपंक्तिमा अध्यक्ष सुस्मिता भट्टराई, प्रथम उपाध्यक्ष अमिनाखान, द्वितीय उपाध्यक्ष जानुका बस्नेत(खड्का), महासचिव अम्बिका खत्री, कोषाध्यक्ष मिना गैरे, सहकोषाध्यक्ष हिलेरी राई (तामाङ्ग), सदस्य रेणुका कार्की, कमला गुरुङ, सन्जु सुन्दास तथा समाजसेवी एवम् व्यवसायी माया के.सी खटिएका थिए ।
कार्यक्रमको अन्तमा विभिन्न तबरबाट साथ र सहयोग गर्नुहुुने, रक्तदान गर्नुहुने, विभिन्न व्यक्तिहरु तथा संघसंस्थाबाट प्रतिनिधित्व गर्नु हुने सबैमा धन्यवाद दिइएको थियो ।
वि.सं.२०७४ जेठ १४ आइतवार ०३:५३ मा प्रकाशित