Sansar News
काठमाडौं । साताको दोस्रो दिन सोमबार सेयर कारोबार मापक नेप्सेमा दोहोरो अंकको गिरावट आएको छ । सोमबार नेप्से १०.१४ अंकले घटेर २७०४.७० विन्दुमा झरेको हो ।
आज ५ अर्ब ४० करोड ८३ लाख मुल्य बराबरको ९९ लाख ३५ हजार कित्ता सेयर किनबेच भएको नेप्सेले जनाएको छ । नेप्से ओरालो लाग्दा अधिकांस कम्पनीका लगानीकर्ताहरुले गुमाएका छन् ।
आज नेप्सेमा सूचिकृत मध्ये ८५ कम्पनीको सेयर मूल्य बढेको छ भने १४५ कम्पनीको सेयरमूल्य ओरालो लागेको छ । त्यस्तै १३ कम्पनीको सेयर मूल्यमा भने कुनै पनि बदलाब आएको छैन ।
साताको पहिलो दिन आईतबार पनि नेप्से दोहोरो अंकले ओरालो लागेको थियो ।
वि.सं.२०८१ चैत ४ सोमवार १५:१४ मा प्रकाशित
