हामी सबैकाे संसारन्यूज

न्यूयोर्क । अमेरिकाको न्युयोर्कमा इतिहासकार स्व. ईमानसिङ्ग चेम्जोङ्गको जीवनीमा आधारित भएर निर्माण गरिएको वृतचित्र प्रदर्शन भएको छ ।

यही मार्च ९ मा ईमान्सिङ्ग चेम्जोङ्ग मेमोरियल फाउन्डेसनको प्रस्तुति र किरात याक्थुङ चुम्लुङ्ग अमेरिका र चेम्जोङ्ग बंश अमेरिकाको ब्यवस्थापनमा वृतचित्र भव्य रुपमा प्रदर्शन गरिएको हो ।

सेन्सेलुङ् पतङ्वा र् ब्बुद्ध चेम्जोङ्को निर्माणमा बनेको बृत्रचित्रको माध्यमबाट लिम्बु समुदायमा स्व. चेम्जोङ्गको योगदानलाई अझ बढी फैलाउन निर्माण गरिएको वृतचित्र ४५ मिनेट लामो रहेको छ । वृतचित्र हेर्न न्यूयोर्कसहित न्यूजर्सी राज्यमा बसोवास गर्ने सयौँको संख्यामा नेपालीहरुको उपस्थिति रहेको थियो साथै यो वृतचित्र विभिन्न देशहरुमा पनि चाडै प्रदर्शन गरिने यस कार्यक्रमका प्रदर्शन ंसंयोजक तथा चेम्जोङ् बंश अमेरिकाका महासचिव गजेन चेम्जोङलाई जानकारी दिए ।

ग्याल सुम्दो सेवा संस्था हल न्यूयोर्कमा छोटो अनौपचारिक कार्यक्रमपछि वृत्तचित्र प्रदर्शन भएको किरात याक्थुङ चुम्लुङ्ग अमेरिकाका अध्यक्ष दीपक थेबेले जानकारी दिए । वृत्तचित्र प्रदर्शनीबाट टिकट मार्फत उठेको रकमको आधा हिस्सा किरात याक्थुङ चुम्लुङ्ग अमेरिकालाई कोष वृद्धिको लागी प्रदान गरिएको कार्यकारी निर्माता बुद्ध चेम्जोङ्ले जानकारी दिए ।

स्व. ईमान सिङ्ग चेम्जोङ्ग नेपाल सरकारले राष्ट्रिय विभूतिू भनि चिनारी गरिसकेका ब्यक्तित्व हुन् । चेम्जोङ्गको नाममा हुलाक टिकेटसमेत प्रकाशित छ ।