back

बाँदरमुढे घटना पिडितले १२ वर्ष वित्दा पनि न्याय पाएनन्

वि.सं.२०७४ जेठ २३ मंगलवार

135 

shares
Global IME AD
NMB Bank Limited Long Ad Banner

२३ जेठ, चितवन । जिल्लाको दक्षिणमा पर्ने माडीको बाँदरमुढेमा तत्कालीन नेकपा माओवादीले यात्रुबाहक बसमा बम विस्फोट गराएको आज १२ वर्ष पूरा भएको छ । सो घटनामा ३८ जनाले ज्यान गुमाएका थिए भने ७२ जना घाइते भए पनि अहिलेसम्म पीडितले न्याय नपाएकाले आन्दोलन गर्दै आएका छन् ।

बाँदरमुढे घटनालाई स्वदेश र विदेशमा निकै आलोचित घटनाका रुपमा लिइन्छ । माओवादी केन्द्रले यो घटना भुलबस भएको भन्दै पटक–पटक माफी माग्दै पनि आएको छ ।

बाँदरमुढे घटनापीडित सङ्घर्ष समितिका उपाध्यक्ष कृष्ण अधिकारीले घटनाको सत्यतथ्य पत्ता लगाएर दोषीलाई हदैसम्मको कारबाही गरिनुपर्नेमा जोड दिंदै भन्नुभयो – “जतिवर्ष बितेपनि राष्ट्रिय तथा अन्तर्राष्ट्रिय कानुनअनुसार दोषीलाई सजाय हुनुपर्छ ।”

मृतक परिवारले प्रतिव्यक्ति रु पाँच लाख मात्रै पाएका छन् भने घाइतेमध्ये १८ जनाले न्यूनतम राहत पाएकाले पीडितलाई न्याय र परिपूरणको व्यवस्था गर्नुपर्ने उहाँको भनाइ छ । माओवादी निकटका दुई जनाले मात्र शतप्रतिशत राहत पाएको तर अन्यले भने २० प्रतिशतको हाराहारीको मात्रै राहत पाएकाले घाइतेको थप उपचार राज्यले गर्नुपर्ने र तिनका बालबच्चाको जिम्मा राज्यले लिनुपर्ने उहाँले बताउनुभयो ।

अझै पनि १० जना घाइते काम गर्न सक्ने अवस्थामा छैनन् । कतिपयले मानसिक औषधि नियमित प्रयोग गर्दै आएका छन् भने अन्य विभिन्न समस्याका कारण नियमित औषधि खानेको सङ्ख्या पनि धेरै छ ।
माडीको अयोध्यापुरीबाट नारायणगढतर्फ आइरहेको ना२ख ३२४५ नंको बस कल्याणपुर र वसन्तपुर बजारको बीचमा पर्ने बाँदरमुढे खोलामा माओवादीको एम्बुसमा पार्दा सो घटना भएको थियो । विसं २०६२ जेठ २३ गते घटना भएको हो । त्यतिबेला राष्ट्रिय जनमोर्चाका ठाकुर ढकाल माओवादीमा एकीकरण भएर अहिले माओवादी नेता बन्नुभएको छ । उहाँ सोही ठाउँबाट नगरप्रमुख पदमा विजयी हुनुभएको हो ।

माडी नगरपालिकाका प्रमुख ढकाल आफ्नो पहिलो एजेन्डा बाँदरमुढे पीडितलाई सम्बोधन गर्ने रहेको बताउनुहुन्छ । दुईतर्फबाटै पूर्वाग्रह भएको भन्दै उहाँले यसलाई तोडेर मित्रताको व्यवहार गर्दै पीडितमाथि न्याय दिलाउने बताउनुभयो । कमजोरीलाई सधैँ कोट्याउनुभन्दा जुन परिस्थिति अहिले छ, त्यसलाई समाधान गर्नेतर्फ लाग्न आफू प्रतिबद्ध रहेको उहाँले जोड दिनुभयो ।

पीडितका माग नगर तह र माथिल्लो निकायबाट पूरा गराउन आफू प्रतिबद्ध छु भन्दै उहाँले सधैँ यसलाई उचालिरहनुभन्दा समाधान गर्नेतर्फ लाग्नुपर्ने सुझाव दिनुभयो ।

घटनास्थलमा स्थापना गरिएको स्मारकमा लेखिएका शब्दका विषयमा अहिले पनि विवाद भएकाले यसलाई समाधान गर्दै नजिकै रहेको तीन बिगाहा जग्गामा पार्क निर्माण गर्ने सोही क्षेत्रमा मृतकको सम्झनामा स्मारक र मन्दिर पनि बनाइने उहाँले बताउनुभयो ।

वि.सं.२०७४ जेठ २३ मंगलवार ०७:४६ मा प्रकाशित

माओवादी केन्द्रको स्थायी समिति बैठक मङ्गलबार बस्ने

माओवादी केन्द्रको स्थायी समिति बैठक मङ्गलबार बस्ने

काठमाडौँ । नेपाल कम्युनिष्ट पार्टी (माओवादी केन्द्र)का नेताहरुको कार्यविभाजनका सन्दर्भमा...

आयोगद्वारा सरकारी जग्गा व्यक्तिका नाममा दर्ता गर्ने कर्मचारीसहित एक सय ७२ जनाविरुद्ध मुद्दा दायर

आयोगद्वारा सरकारी जग्गा व्यक्तिका नाममा दर्ता गर्ने कर्मचारीसहित एक सय ७२ जनाविरुद्ध मुद्दा दायर

काठमाडौँ । अख्तियार दुरुपयोग अनुसन्धान आयोगले झापा जिल्लाको सरकारी स्वामित्वको...

प्रधानमन्त्री ‘प्रचण्ड’सँग अमेरिकी नौसेनाध्यक्षको शिष्टाचार भेट

प्रधानमन्त्री ‘प्रचण्ड’सँग अमेरिकी नौसेनाध्यक्षको शिष्टाचार भेट

काठमाडौँ । प्रधानमन्त्री पुष्पकमल दाहाल ‘प्रचण्ड’ सँग अमेरिकाको एसिया–प्रशान्त क्षेत्र...

अस्पतालहरुले अटेर गरेको भन्दै बालेनले दिए यस्तो चेतावनी

अस्पतालहरुले अटेर गरेको भन्दै बालेनले दिए यस्तो चेतावनी

काठमाडौँ । काठमाडौँ महानगर पालिकाका प्रमुख बालेन्द्र शाहले (बालेन) निशुल्क...

शान्ताको अचारले ओली मख्ख

शान्ताको अचारले ओली मख्ख

काठमाडौँ । पूर्व प्रधानमन्त्री तथा नेकपा एमालेका अध्यक्ष केपी शर्मा...

नेदरल्याण्ड्ससँग नेपाल आठ विकेटले पराजित

नेदरल्याण्ड्ससँग नेपाल आठ विकेटले पराजित

काठमाडौं । घरेलु मैदानमा भएको आइसीसी पुरुष क्रिकेट विश्वकप लिग...