हामी सबैकाे संसारन्यूज

४ असार। रत्ननगर (चितवन)। चितवनको दासढुङ्गास्थित त्रिशूली नदीमा डुबेर एक पुरुष बेपत्ता भएका छन् ।

त्रिशूली नदीमा पौडी खेल्ने क्रममा आज दिउँसो करिब २ः३० बजेको समयमा तनहूँको देवघाट गाउँपालिका– ८ घर भई भरतपुर महानगरपालिका वडा नम्बर २९ मा डेरा गरी बस्ने २५ वर्षीय भीमबहादुर थापा नदीमा डुबेर बेपत्ता भएको चितवनका प्रहरी उपरीक्षक दीपक थापाले जानकारी दिनुभयो ।

भरतपुर महानगरपालिकाको वडा नं २९ स्थित दासढुङ्गामा उनी माछा मार्न गएका बेला पौडी खेल्न नदीमा गएको प्रहरीले जनाएको छ । सोही क्रममा नदीमा डुबेका उनको अवस्था अज्ञात छ । अहिले प्रहरी र स्थानीयको एक टोलीले खोजी जारी राखेको जिल्ला प्रहरी कार्यालय चितवनले जनाएको छ । रासस