हामी सबैकाे संसारन्यूज

४ असार, काठमाडौँ । आज राती पौने ९ बजे रसियाको काजा एरिनामा मेक्सिकोसँग भिड्दै गर्दा पोर्चुगलको मुख्य लक्ष्य हुनेछ एक वर्ष भित्रमा दुइ वटा अन्तराष्ट्रिय उपाधि जितेर इतिहास कोर्ने जसको लागि फर्नान्डो सान्तोसको टिम पोर्चुगलले राम्रैसँग तयारी गरेको छ । कप्तान क्रिस्टियानो रोनाल्डो, बर्नानडो सिल्भा, आन्द्रे सिल्भा, एड्रिन सिल्भा जस्ता स्टारहरुले भरिएको पोर्चुगल प्रतियोगिताको मुख्य दावेदार समेत हो ।

पोर्चुगलको हालको टिममा गत वर्ष युरो कपमा विजेता टोलीका लगभग सबै खेलाडीहरु समावेश रहेका छन् । जसकारणले पनि पोर्चुगललाई प्रतियोगिताको मुख्य दावेदार मनिएको छ । पोर्चुगल रहेको समुहमा आयोजक रसिया, न्युजिल्यान्ड, तथा उत्तर अमेरिकी राष्ट्रको विजेता मेक्सिको समावेश रहेका छन् । अर्को समुहमा गत वर्षको कोपा अमेरिका विजेता चिली, विश्व विजेता जर्मनी, आसियान टोलीको विजेता अष्ट्रेलिया था अफ्रिकी नेशनको विजेता क्यामरुन रहेका छन् ।

रियल म्याड्रिडलाई च्याम्पियन्स लिग र लालिगाको उपाधि जिताउन महत्वपुर्ण भुमिका खेलेका कप्तान रोनाल्डोको उत्कृष्ट फर्म, यसै गरि गत सिजन एस मोनाकोलाईृ लिग १ को उपाधि जिताउन भुमिका खेलेका बर्नान्डो सिल्भाको उत्कृष्ट फर्मलाई पोर्चुगलको उपाधि जित्ने मुख्य हतियारको रुपमा लिन सकिन्छ । अन्तराष्ट्रिय फुटबलमा छुट्टै पहिचान बनाईसकेका खेलाडीहरुले भरिपुर्ण पोर्चुगलको अनुभवी टोलीलाई यो पालिको कन्फेडेरेसन कप जित्न सक्ने बलियो टोलीको रुपम आँकलन गरिएको छ ।