हामी सबैकाे संसारन्यूज

नर्वे । गैरआवासीय नेपाली संघ (एनआरएनए) नर्वेको अध्यक्षमा सन्जिव थापा निर्वाचित भएका छन् ।
जुन १० का दिन सम्पन्न भएको संघको पाँचौ अधिबेशनमा नयाँ नेतृत्वका लागि भएको र्निवाचनमा अध्यक्षका प्रत्यासी नयन मल्ललाई पछि पार्दै थापा अध्यक्षमा निर्वाचित भएका हुन् । थापाले ९० मत र मल्लले ७५ मत प्राप्त गरेका थिए ।
त्यस्तै संघको प्रथम उपाध्यक्षमा सालिग्राम अर्याल, द्धितिय उपाध्यक्षमा सुरेन्द्र केसी (स्यात्रै) महासचिबमा राजु अर्याल, सचिवमा दीपक महत, कोषाध्यक्षमा बिना नेवार श्रेष्ठ, महिला संयोजक डा. सबिता महर्जन, युवा संयोजकमा नीलकण्ठ अर्याल, र्निविरोध भएका छन् । साथै कार्यसमितिको सदस्यहरुमा प्रदिप अधिकारी, बिकाश दवाडी, अनुप गुप्ता, पबित्र बस्नेत, विष्णुमाया अधिकारी चयन भएका छन् । अधिवेसनले एनआरएन आइसीसी सदस्यमा द्धारिका महर्जन र्निविरोध निर्वाचित गरेको छ ।

संघको पाचौ अधिवेसनको उद्धघाटन गर्दै प्रमुख अतिथि गैरआवासीय नेपाली संघ यूरोप संयोजक कुल आचार्यले सम्मृद्ध नेपालको लागि एनआरएनएको महत्वपूर्ण भूमिका रहेको वताउँदै नेपालको नयाँ संविधानले गैरआवासीय नेपालीहरुलाई नागरिकताको ग्यारेन्टी गरेको हुनाले नेपालमा लगानीको वातावरण भन्दै गएको जानकारी गराए ।

आर्चायले खुल्ला सत्र र बन्द सत्र २ चरणमा सम्पन्न भएको सो अधिबेशनको प्रसंसा गर्दै उनले संघको जुलाई अन्तिम साता फ्राङफोर्डमा हुने क्षेत्रिय सम्मेलनमा सहभागी भई सफल पार्न सबैमा आग्रह समेत गरेका थिए ।