Logo
३ माघ २०७८, सोमबार
     Mon Jan 17 2022
E-paper
  English Edition
   Unicode
Logo

सांसद लम्सालद्वारा पहिरो पीडितलाई दश हजार



bikash lamsal

२० असार, फलेवास (पर्वत) । पर्वत क्षेत्र २ बाट निर्वाचित व्यवस्थापिका– संसद्का सदस्य विकास लम्सालले बाढी पहिरोबाट पीडित परिवारलाई राहत दिने घोषणा गर्नुभएकोे छ ।

तीन दिन पहिले पर्वतका विभिन्न स्थानमा गएको पहिरोमा परेका र बाढीले बगाएका मृतकका परिवारलाई तत्काल राहत दिने घोषणा गर्नुभएको हो । लम्सालले सोमबार विज्ञप्ति जारी गर्दै पीडित परिवारलाई जनही रु १० हजारका दरमा राहत दिने घोषणा गर्नुभएको छ ।

उहाँले बाढी र पहिरोबाट पुगेको जनधनको क्षति प्रति दुःख व्यक्त गर्दै उद्धार र राहतमा जुट्न आह्वान पनि गर्नुभएको छ । शनिबार राति परेको भिषण वर्षाका कारण पर्वतको महाशिला गाउँपालिका होश्राङ्दीमा पहिरोले घर बगाएपछि एकै परिवारका तीनजनाको मृत्यु भएको थियो भने खोलाले बगाएर कुश्मा नगरपालिका ९ मा १ र पैञ्यु गाउँपालिका–२ मा आठ वर्षीय एक बालकको मृत्यु भएको थियो ।

उद्धारमा जुट्न एमालेको निर्देशन

यसैबीच, नेकपा (एमाले) पर्वतले जिल्लाका कुनै पनि भागमा प्राकृतिक विपत्तिका घटना आइपरे जस्तोसुकै अवस्थामा पनि उद्धारमा जुट्न मातहतका कार्यकर्तालाई निर्देशन दिएको छ ।

आइतबार प्राकृतिक विपत्तिमा परी ज्यान गुमाएकाप्रति श्रद्धाञ्जलि व्यक्त गर्दै एक विज्ञप्तिमार्फत एमालेले उद्धार र राहत कार्यमा जुट्न निर्देशन दिएको हो । एमाले पर्वतका अध्यक्ष पदम गिरीले प्राकृतिक विपत्तिमा परेका परिवारलाई तत्काल राहत प्रदान गर्न सरकारसँग माग गरिएको बताउँदै प्राकृतिक प्रकोपबाट क्षतिग्रस्त सडक तथा अन्य संरचना पुनःनिर्माणमा तत्काल लाग्न सरकारसमक्ष आग्रह गरिएको बताउनुभयो ।

जिल्लाका सबै नगरपालिका तथा गाउँपालिका स्तरका पार्टी कमिटी र वडास्तरका कमिटीमा प्राकृतिक प्रकोपका घटनामा आइपर्ने समस्यामा जस्तोसुकै चुनौती मोलेर भएपनि उद्धारमा लाग्न निर्देशन दिइएको उहाँले बताउनुभयो ।

प्रकोपमा उद्धारका लागि पार्टी मातहतमा रहेका युवा सङ्गठनलाई समेत ‘इमिडिएट् रेस्पोन्स टिम’ खडा गरिएको उहाँले बताउनुभयो ।


यो खबर पढेर तपाईलाई कस्तो महसुस भयो ?

काठमाडौं । काठमाडौंबाट पोखराका लागि उडेको गुण एयरलाइन्सको जहाजको ढोका अचानक आकाशमै खुलेपछि काठमाडौं

बुटवल । यातायात व्यवस्था कार्यालय सवारी चालक अनुमति पत्र रुपन्देही कार्यालयले ड्राइभिङ लाइसेन्स चालक

लालबहादुर ढेंगा, दुबई, युएई । राहदानी बिभागले हाल बिद्युतीय राहदानी (भ(एबककउयचत) जारी गर्ने कार्यको

काठमाडौं । विभिन्न चार बैंकबाट ८० करोड रुपैयाँ ऋण निकालेर मदिरा व्यवसायी गरेको एक

काठमाडौं । तराई मधेश केन्द्रीत नेताहरुमा पार्टी विभाजन गर्ने र पुरानै दललाई ब्यूँताउने लहर