२१ असार, एजेन्सी । रियल म्याड्रिडका भेट्रान डिफेन्डर पेपेलाई टर्किस क्लब बेसिकटसले फ्रि एजेन्टको रुपमा भित्राएको छ । गत महिना रियल म्याड्रिड सँग सम्झौता सकिएपछि रियलबाट रिलिज भएका पेपेले टर्कीस क्लब बेसिकटास सँग सम्झौता गरेका हुन् ।
क्लबले उनको कति समयका लागि अनुबन्ध गरेको तथा उनको ज्यालाको बारेमा भने केही खुलाएको छैन् । गत महिना रियल बाट रिलिज भएका पेपेलाई भित्राउने चाहना व्यक्त गरेका थिए । उनलाई भित्राउन पेरिस सेन्ट जर्मन, इन्टर मिलान, म्यानचेष्टर युनाईटेड लगायतका क्लबले ईच्छा व्यक्त गरेपनि उनले टर्किस सुपर लिग खेल्ने निर्णय गरेका हुन् ।
पेपे रियलका महान खेलाडी मध्ये एक पदृछन् । सन् २००७ मा पोर्टोबाट रियल आएका पेपेले रियलमा १० वर्ष बिताएका छन् । उनले रियलबाट क्लब फुटबलमा सम्भव सबैखाले उपाधि जितेका छन् । उनलाई सर्मथकले रियल अत्यन्तै माया गर्ने फुटबलरको रुपमा वारिएर नाम दिएका छन् । पेपेलाई विश्वकै उत्कृष्ट सेन्ट्रल डिफेन्डरको रुपमा लिने गरिन्छ ।
वि.सं.२०७४ असार २१ बुधवार ०७:१० मा प्रकाशित