हामी सबैकाे संसारन्यूज

२२ असार,काठमाडौँ  । अख्तियार दुरुपयोग अनुसन्धान आयोगले जिल्ला शिक्षा कार्यालय ताप्लेजुङका सवइन्जिनियर मनोजकुमार यादवविरुद्ध आज विशेष अदालतमा मुद्दा दायर गरेको छ ।

सिद्ध सरस्वती माध्यामिक विद्यालय माङजाबुङ पाँचथरको भवन निर्माणका लागि निकासा भएको रकममध्ये रोक्का रहेको रकम फुकुवा गर्ने तथा भवन निर्माण र मर्मत कार्य फरफारक गर्ने कार्यको अन्तिम प्रतिवेदन तयार पार्ने सम्बन्धमा सेवाग्राहीसँग रु एक लाख २५ हजार घुस मागेको आयोगले जनाएको छ ।

आयोगका प्रवक्ता जीवराज कोइरालाकाअनुसार आयोगको इटहरी कार्यालयबाट गएको टोलीले सवइन्जिनियर यादवलाई केही दिन पहिले घुस लिँदालिँदै कार्यथलोमा नै पक्राउ गरेको थियो । आयोगले सवइन्जिनियर यादवलाई घुसबापतको बिगो रकम असुल गरी हदैसम्मको कारबाहीको माग गरेको छ । रासस