Sansar News
२४ असार, उर्लाबारी (मोरङ) । मोरङको बूढीगङ्गा गाउँपालिका–५ स्थित ग्रिन प्लाई फ््याक्ट्रीमा कार्यरत एक मजदुरको शुक्रबार साँझ फलामको पाइपले लागेर मृत्यु भएको छ ।
मृत्यु हुनेमा मोरङकै ग्रामथान–५ बस्ने १८ वर्षीय ससित विश्वास रहेका छन् । फलाम र जस्ताको छानो भएको कोठाभित्र काम गरिरहेका अवस्थामा उनलाई छानाबाट फलामको पाइप झरेर टाउकामा चोट लागेको थियो । उनलाई उपचारका लागि विराटनगर लैजाने क्रममा बाटोमै मृत्यु भएको जिल्ला प्रहरी कार्यालय मोरङका प्रहरी नायब उपरीक्षक योगेन्द्रसिंह थापाले जानकारी दिनुभयो । रासस
वि.सं.२०७४ असार २४ शनिवार ०२:३६ मा प्रकाशित
