Logo
४ माघ २०७८, मंगलवार
     Tue Jan 18 2022
E-paper
  English Edition
   Unicode
Logo

गोकर्णेश्वर नगरपालिकाको बजेट रु ६७ करोड



३० असार, काठमाडौँ । गोकर्णेश्वर नगरपालिकाले आव २०७४÷२०७५ का लागि पूर्वाधारलाई प्राथमिकता दिँदै रु ६६ करोड ९४ लाखको बजेट पारित गरेको छ ।

नगर कार्यपालिकाले बिहीबार पारित गरेको बजेटलाई आज बसेको नगर सभाले अनुमोदन गरेको हो । यो बजेट केही दिनमै सार्वजनिक गरिने नगरपालिकाले जनाएको छ ।
नगरपालिकाकाले आज जोरपाटीमा आयोजना गरेको नगर सभामा प्रमुख सन्तोष चालिसेले प्रत्येक वडालाई रु चार करोडका दरले रु ३६ करोडको विकास बजेटसहितको कार्यक्रम प्रस्तुत गर्नुभयो ।

बजेटमा पूर्वाधार, सामाजिक, आर्थिक विकास, सांस्कृतिक प्रवद्र्धन, लैंगिक समानता तथा सामाजिक समावेशीकरण, भवन निर्माण, जगेडा कोष, संस्थागत विकास एवं सेवा प्रवाह र वातावरण तथा विपद् व्यवस्थापन शीर्षकमा विनियोजन गरिएको छ ।

बजेटमा एक वर्षभित्र जोरपाटी चोकमा सात तले गोकर्णेश्वर भवन बनाइने उल्लेख गरिएको छ । नगरपालिकाको कार्यालयसमेत रहने यो भवनमा नगरवासीलाई आवश्यक सबै सेवा दिने सोच अघि सारिएको छ ।

प्रत्येक वडामा निःशुल्क वाइफाइसहित दुई वटा हरित चोक, नौवटै वडामा आधुनिक सुविधासहितको सार्वजनिक शौचालय, ज्येष्ठ नागरिकलाई घरघरमा सामाजिक सुरक्षा भत्ता पु¥याइनेलगायत कार्यक्रम बजेटमार्फत् अघि सारिएको छ ।
बजेटमा खानेपानी, सरसफाइ, दलित, महिला, युवा, अपांगलगायतलाई मूल प्रवाहमा ल्याउने कार्यक्रम बनाइएको छ । प्रत्येक वडामा खेल मैदान निर्माणका लागि पनि बजेट छुट्याइएको छ । रासस


यो खबर पढेर तपाईलाई कस्तो महसुस भयो ?

काठमाडौं । सरकारी सेवाका २२ वर्षमा एक उपसचिवले निकै तरक्की गरेको समाचार सार्वजनिक भएको

बुटवल । यातायात व्यवस्था कार्यालय सवारी चालक अनुमति पत्र रुपन्देही कार्यालयले ड्राइभिङ लाइसेन्स चालक

काठमाडौं । विभिन्न चार बैंकबाट ८० करोड रुपैयाँ ऋण निकालेर मदिरा व्यवसायी गरेको एक