हामी सबैकाे संसारन्यूज

१ साउन, एजेन्सी । ईटलियन क्लब युभेन्ट्सका सेन्टर ब्याका लिओनार्दो बोनुच्ची छिमेकी क्लब एसीमिलानमा अनुबन्धित भएका छन् । इटलीका भेट्रान डिफेन्डर बोनुच्चीलाई किन्न चेल्सी, म्यानचेष्टर सिटी, लगायतका क्लबहरु ईच्छुक देखिएपनि बोनुच्चीले छिमेकी क्लब रोजेका हुन् । सानसिरो क्लब मिलानसँग उनले ५ वर्षको सम्झौता गर्ने भएका छन् । इन्टर मिलानबाट वयवसायिक फुटबल खेल्न सुरु गरेका ३० वर्षे डिफेन्डरले ईन्टर युभेन्टस हुदै मिलान गएका हुन् ।

मिलानमा अनुबन्धित भएका बोनुच्चीले वार्षिक ७५ लाख युरो बराबरको पारिश्रमिक लिने भएका छन् । जुन ईटििलयन क्लबमा खेलाडीहरुले अहिले सम्म पाएको उच्चतम ज्याला हो । मिलनमा आएपछि उनी सम्भवत मिलानका कप्तान समेत बन्ने छन् ।

कुनै बेलाको निकै सफल क्लब मानिएको मिलानले आफ्नो साख फर्काउन भन्दै युरोपमा सबैभन्दा धेरै पैसा खर्च गरेको छ । बोनुच्ची मिलानमा यो सिजनमा आउने ५ औ खेलाडी खेलाडी हुन् । मिलानले बोनुच्चीलाई किन्न करिब ४० मिलियन युरो बराबरको रकम खर्चेको छ ।