back

म्याग्दीमा नेपालमै पहिलो रामायण पार्क बन्ने

वि.सं.२०७४ साउन ६ शुक्रवार

207 

shares
Global IME AD
NMB Bank Limited Long Ad Banner

 

 

beni bazar
६ साउन, बेनी (म्याग्दी) । बेनी नगरपालिकालाई नेपालकै नमूना नगरपालिका बनाउने अभियानअन्तर्गत म्याग्दीको बेनी नगरपालिकामा रामायण पार्क बनाई रावणको पनि मूर्ति राखिने भएको छ ।

रामायणमा बहुचर्चित खलपात्रका रुपमा चिनिएका रावणको जन्मस्थान पौलस्त्य पुलहाश्रम क्षेत्रमा सो पार्क बनाइने भएको हो । रामायण पार्क निर्माणका लागि नगरपालिकाले चालु आर्थिक वर्ष ०७४÷७५ का लागि नगर सभाबाट स्वीकृत गरिएको बजेटमा रु १० लाख विनियोजन गरिएको छ । आन्तरिक तथा बाह्य पर्यटकलाई आकर्षित गर्न रामायण पार्क बनाइने नगरपालिकाले जनाएको छ ।

नेपालकै पहिलो र नयाँ तथा बहुचर्चित योजनाका रुपमा समेत चिनिएको पार्क बनाउन वडा नम्बर ६, ७ र ८ भित्र पर्ने बराहपाखो र आपारुख सामुदायिक वनअन्तर्गत हुलाकचोकबाट अर्थुङे जाने पुरानो खानेपानीको धारा रहेको स्थान प्रस्ताव गरिएको छ । प्रस्ताव गरिएको स्थानको स्थलगत अनुगमन तथा आवश्यक पूर्वाधार विस्तारका लागि प्रक्रिया अगाडि बढाउने नगरपालिकाले जनाएको छ ।

आन्तरिक तथा भारत र श्रीलंकाका हिन्दू धर्माबलम्बीलाई आकर्षित गर्न पार्कको अवधारणा ल्याइएको बेनी नगरपालिकाका कार्यकारी अधिकृत विश्वमित्र कुइँकेलले बताउनुभयो ।

“धार्मिक पर्यटकलाई आकर्षित गर्न सकिन्छ, बजेटअनुसार काम अगाडि बढ्छ”, उहाँले भन्नुभयो । बेनी नगरपालिका–५ पुलाचौरको पुलाहा आश्रम लंकाका राजा रावणको जन्मस्थान मानिन्छ । श्रीमद्भागवत, मत्स्य पुराण लगायतका ग्रन्थमा समेत पौलस्त्य क्षेत्रको वर्णन गरिएको म्याग्दीका पं नीलकण्ठ आचार्यले बताउनुभयो ।

पौलस्त्य ऋषिको तपोभूमिसमेत रहेको पुलाहाआश्रमको प्रवेशद्वारका रुपमा पार्कलाई विकास गर्ने योजना रहेको छ । विश्वका हिन्दू धर्मावलम्बीका पाँच ठूला धार्मिकस्थलमध्ये पुलाहा आश्रमसमेत पर्ने भएपनि प्रचारप्रसार र पूर्वाधारको अभावका कारण ओझेलमा परेको छ ।

पुलाहाआश्रम क्षेत्र विकास कोषले महायज्ञमार्फत मन्दिरको निर्माण गरेको भएपनि थप पूर्वाधारको अभाव देखिएको अवस्थामा रामायण पार्कले हिन्दू धर्मावलम्बीलाई आकर्षित गर्ने अपेक्षा गरिएको छ ।

बेनी नगरपालिकाका प्रमुख हरिकुमार श्रेष्ठले नगर क्षेत्रलाई नमूना बनाउने बताउनुभयो । उहाँले नगरपालिकाभित्र रहेका धार्मिक तथा पर्यटकीयस्थलमा आन्तरिक तथा बाह्य पर्यटकको भ्रमण लम्ब्याउने गरी पूर्वाधार निर्माणलाई प्राथमिकता दिइनेछ भन्नुभयो । रासस

वि.सं.२०७४ साउन ६ शुक्रवार ०५:०९ मा प्रकाशित

उच्च अङ्कले घट्यो नेप्से

उच्च अङ्कले घट्यो नेप्से

काठमाडौँ । धितोपत्र बजारमा शेयर कारोबार मापक नेप्से परिसूचक आज...

काठमाडौँमा वर्षा, विदेशी विमान अवतरण हुन सकेनन्

काठमाडौँमा वर्षा, विदेशी विमान अवतरण हुन सकेनन्

काठमाडौँ । काठमाडौँलगायत देशका विभिन्न स्थानमा हल्का वर्षा भएको छ...

फागुन १३ गतेदेखि नारायणगढ-मुग्लिन सडक बन्द नगरिने

फागुन १३ गतेदेखि नारायणगढ-मुग्लिन सडक बन्द नगरिने

चितवन । दैनिक चार घण्टा सवारी रोकेर पुल निर्माणका लागि...

घरेलु मदिरालाई वैध बनाउदै गण्डकी प्रदेश

घरेलु मदिरालाई वैध बनाउदै गण्डकी प्रदेश

गण्डकी । लुकीछिपी उत्पादन र बिक्री वितरण भइरहेको घरेलु मदिरालाई...

त्रिविको उपकुलपति बने प्राडा केशरजङ्ग बराल

त्रिविको उपकुलपति बने प्राडा केशरजङ्ग बराल

काठमाडौँ । त्रिभुवन विश्वविद्यालयको उपकुलपतिमा प्रा डा केशरजङ्ग बराल नियुक्त...

नेपाल ए पराजित, क्यानडाले जित्यो शृङ्खला

नेपाल ए पराजित, क्यानडाले जित्यो शृङ्खला

काठमाडौँ । एकदिवसीय शृङ्खलाको तेस्रो तथा अन्तिम खेलमा नेपाल ए...