Logo
३ माघ २०७८, सोमबार
     Mon Jan 17 2022
E-paper
  English Edition
   Unicode
Logo

बिरुवा बेचेर लाखौँ कमाइ



बाबियाचौर (म्याग्दी)। जिल्लाका कृषकले फलफूल र वन पैदावारका बिरुवा बेचेर लाखाँै आम्दानी गरेका छन् ।

सुन्तला, टिमुर, डालेघाँस र काष्ठ पैदावार बिरुवाको किनबेच फस्टाउँदै गएकाले कृषकको आम्दानी बढेको हो । सुन्तला र टिमुरका बिरुवा प्रतिवटा रु २० मा तथा अन्य वन पैदावारको प्रतिबिरुवा रु पाँचमा बिक्री हुन्छ ।

धौलागिरि गाउँपालिका– ७ हिलापोखरीका समबहादुर थापाले १५ हजार ४०० टिमुरका बिरुवा बेचेर रु तीन लाख आठ हजार आम्दानी गर्नुभयो । उहाँ एक दशकदेखि बिरुवा उत्पादन गर्दै आउनुभएको छ ।

बेनी नगरपालिका– ६ का मनकुमारी घर्तीले चार हजार ५००, चन्द्रबहादुर कुँवरले आठ हजार र रघुगंगा– ४ दग्नामका वीरबहादुर गर्वुजाले तीन हजार ९०० टिमुरका बिरुवा बिक्री गर्नुभयो । चारैजनाको निजी नर्सरीमा उत्पादन भएको ३१ हजार ८०० टिमुरका बिरुवा जिल्ला वन कार्यालयले खरिद गरेर सामुदायिक वन उपभोक्ता समूह र कृषकलाई वितरण गरेको छ ।

तोरीपानीका सागर बानियाँ र गुमानसिंह बानियाँले यसपाली निजी नर्सरीबाट दश हजार टिमुरका बिरुवा बिक्री गर्नुभयो । वन कार्यालयले ३० भन्दा बढी टिमुरका बोट रोप्ने नौजना कृषकलाई प्रतिबोट रु ४० का दरले रु एक लाख ९६ हजार प्रोत्साहन अनुदान उपलब्ध गराएको छ ।

खेर गईरहेको सामुदायिक वन र निजी खाली पाखो खरबारीमा टिमुर खेती विस्तार अभियान चलाएको सहायक वन अधिकृत राजकुमार ठाकुरले बताउनुभयो । टिमुरले बजार पाएका कारण उत्पादन बढाउन बिरुवा रोप्ने अभियान चलाइएको हो । यस वर्ष जिल्लाभर करिब तीस हेक्टर क्षेत्रफलमा टिमुरका नयाँ बिरुवा रोपिएको छ ।

बेनी नगरपालिका –९ तोरीपानी, नेप्टेचौर, धौलागिरि गाउँपालीका– ७ ताकम, रघुगंगा– २ भगवती, अन्नपूर्ण– ४ नारच्याङ, मालीकाको दरवाङ क्षेत्रमा टिमुर खेती विस्तार भएको छ । यस याममा विभिन्न सातजना कृषकको निजी नर्सरीबाट साधारण बिजु जातका २२ हजार ५०० सुन्तलाका बिरुवा प्रतिबोट रु २० मा बिक्री भएको जिल्ला कृषि विकास कार्यालयले जनाएको छ ।

जिल्लाको २८६ हेक्टर क्षेत्रफलमा सुन्तलाखेती हुने गरेको छ । यस वर्ष कार्यालयले २२ हजार ५०० बिरुवा अनुदानमा वितरण गरेको छ । कृषकले आफ्नै लागतमा थप तीन हजार बिरुवा रोपेका छन् । रासस


यो खबर पढेर तपाईलाई कस्तो महसुस भयो ?

काठमाडौं । काठमाडौंबाट पोखराका लागि उडेको गुण एयरलाइन्सको जहाजको ढोका अचानक आकाशमै खुलेपछि काठमाडौं

बुटवल । यातायात व्यवस्था कार्यालय सवारी चालक अनुमति पत्र रुपन्देही कार्यालयले ड्राइभिङ लाइसेन्स चालक

लालबहादुर ढेंगा, दुबई, युएई । राहदानी बिभागले हाल बिद्युतीय राहदानी (भ(एबककउयचत) जारी गर्ने कार्यको

काठमाडौं । विभिन्न चार बैंकबाट ८० करोड रुपैयाँ ऋण निकालेर मदिरा व्यवसायी गरेको एक

काठमाडौं । तराई मधेश केन्द्रीत नेताहरुमा पार्टी विभाजन गर्ने र पुरानै दललाई ब्यूँताउने लहर