back

ऊर्जा क्षेत्र सुधारका लागि ३४ बुँदे श्वेतपत्र सार्वजनिक

वि.सं.२०७४ भदौ १ बिहीवार

162 

shares
RBB AD
NTC AD
Rastriya Swastha Sikshya Suchana Tatha Sanchar Kendra

urja१ भदौ, काठमाडौँ । ‘जलस्रोतको उपयोग गरौँ, राष्ट्रलाई समृद्ध बनाऔं’ भन्ने नाराका साथ ऊर्जामन्त्री महेन्द्रबहादुर शाहीले ३४ बुँदे श्वेतपत्र सार्वजनिक गर्नुभएको छ ।

ऊर्जा मन्त्रालयमा बुधबार आयोजित पत्रकार सम्मेलनमा मन्त्री शाहीले मुलुकको ऊर्जा क्षेत्रको विकास र विस्तारका लागि मन्त्रालयले अगाडि बढाउन लागेको नीति तथा कार्यक्रमसार्वजनिक गर्नुभएको हो ।

ऊर्जा संकटलाई सधैँका लागि अन्त्य गर्न सरकारले तत्काल अवलम्बन गर्नुपर्ने कदम पहिचान गरी कार्यान्वयन गर्ने, राष्ट्रिय ऊर्जा संकटकाल कार्ययोजना कार्यान्वयन गर्न ऊर्जा उत्पादन, प्रसारण र वितरणमा हाल देखापरेका मुख्य समस्यालाई प्राथमिकताका साथ समाधान गर्ने लक्ष्यका साथ मन्त्रालयले आवश्यक तयारी गरेको बताउनुभयो ।

आगामी सुक्खा याममा नेपाल विद्युत् प्राधिकरणको केन्द्रीय प्रसारण लाइनमा एक हजार ७४२ मेगावाट विद्युत् माग हुने भएकाले त्यसलाई परिपूर्ति गर्न सबै प्रकारको उपाय अवलम्बन गरिने उहाँले जानकारी दिनुभयो । हाल जलविद्युत्को उत्पादन कुल जडित क्षमता ९१८ मेगावाटमध्ये प्राधिकरणको ४७७ मेगावाट र निजी क्षेत्रको ४४१ मेगावाट छ । यस्तै, भारतबाट करिब ४०० मेगावाट विद्युत् आयात गर्ने र अन्य वैकल्पिक उपाय अवलम्बन गरिने मन्त्री शाहीको भनाइ छ ।

सौर्य, वायु ऊर्जा उत्पादनको कामलाई अगाडि बढाउने कार्ययोजना बनाइएको उल्लेख गर्दै मन्त्री शाहीले सरकार र निजी क्षेत्रको साझा प्रयासमा मात्रै मुलुकको समृद्धि हुने विश्वास व्यक्त गर्नुभयो ।

कार्ययोजनामा अध्ययन तथा अनुसन्धानको कामलाई प्राथमिकता दिइने, निर्माणाधीन प्रसारण लाइन समयमै सम्पन्न गरिने, काम नगर्ने र आयोजना ओगटेर बस्ने निर्माण व्यावसायीलाई कारबाही गरिने उल्लेख गरिएको छ ।

उहाँले अघिल्ला सरकारले अगाडि बढाएका ‘राष्ट्रिय ऊर्जा संकट निवारण तथा विद्युत् विकास दशकसम्बन्धी अवधारणा पत्र, २०७२’ र ‘नेपालको पानी जनताको लगानी’ जस्ता नीति तथा कार्यक्रमको समेत अक्षरशः कार्यान्वयन गरिने जानकारी दिनुभयो ।

‘सोर्स फोर्स’ लगाउनेलाई तत्काल कारबाही

यसैबीच, ऊर्जामन्त्री शाहीले कर्मचारीको सरुवा, बढुवामा ‘सोर्स फोर्स’ लगाउनेलाई ‘ठाउँको ठाउँ’ कारबाही गरिने बताउनुभएको छ । फरक एक प्रसंगमा मन्त्री शाहीले नेपाल विद्युत् प्राधिकरणका कर्मचारीको सरुवा, बढुवामा नेताका तर्फबाट कर्मचारीको लिस्ट बन्ने प्रवृत्तिको अन्त्यका लागि आफूले कडा कदम चाल्ने बताउनुभयो ।

उहाँले भन्नुभयो, “नेताले लिस्ट बनाएर काम गर्ने प्रवृत्तिको अन्त्य गरिनु जरुरी छ । क्षमता र योग्यताका आधारमा सबै कर्मचारीको समानुपातिक रुपमा कोही कसैलाई पनि अन्याय नहुने गरी काम हुन्छ ।” चुहावट नियन्त्रणमा नलाग्ने, भित्रभित्र मिलेमतोमा काम गर्ने र जनतालाई सेवा नदिनेका हकमा कडा कारबाही हुने उहाँको भनाइ थियो ।

प्राधिकरणले वितरण गरिरहेको विद्युत्मध्ये हाल २३ प्रतिशत चुहावट भइरहेको जानकारी दिँदै उहाँले आगामी केही समयभित्रै चुहावट १८ प्रतिशतमा झार्ने बताउनुभयो । आफूले प्राधिकरणको संरचनागत सुधारका लागि विशेष पहल गरिरहेको बताउँदै मन्त्री शाहीले जनतालाई केन्द्रमा राखेर सेवा सुविधा दिन तयार रहेको उल्लेख गर्नुभयो ।

उहाँले ऊर्जा क्षेत्रको विकास र विस्तारका लागि मन्त्रालयले विभिन्न कार्ययोजना अगाडि सारेको, अल्पकालीन, मध्यकालीन तथा दीर्घकालीन कार्ययोजनाका साथ काम गरिरहेको स्पष्ट पार्नुभयो । मन्त्री शाहीले आगामी हिउँदमा समेत विद्युत्भार कटौती हुन नदिन मन्त्रालयले विशेष कार्ययोजनाका साथ काम गरिरहेको र विद्युत्भार कटौती हुन नदिन सबै उपाय अपनाइने बताउनुभयो ।

वि.सं.२०७४ भदौ १ बिहीवार ०३:४५ मा प्रकाशित

NLIC AD
NABIL bank AD
ADBL AD
आजको बजारमा विदेशी मुद्राको भाउ, कुन घट्यो कुन बढ्यो ?

आजको बजारमा विदेशी मुद्राको भाउ, कुन घट्यो कुन बढ्यो ?

काठमाडौं । नेपाल राष्ट्र बैंकले आजको बजारमा विदेशी मुद्राको विनिमय...

देवतालाई आराम दिन भन्दै एक महिनाका लागि गाउँ छाडे यहाँका स्थानीयले

देवतालाई आराम दिन भन्दै एक महिनाका लागि गाउँ छाडे यहाँका स्थानीयले

सुवास दर्नाल, सोलुखुम्बु । यहाँको खुम्बु पासाङल्हामु गाउँपालिका–४ मा पर्ने...

पालिकाद्वारा घाँसखेती गर्ने किसानलाई अनुदान

पालिकाद्वारा घाँसखेती गर्ने किसानलाई अनुदान

तनहुँ । जिल्लाको भानु नगरपालिकाले पशुपालक ३७ जना किसानलाई घाँसखेती...

सुनको मूल्यले कायम गर्याे नयाँ रेकर्ड, कतिमा हुँदैछ कारोबार ?

सुनको मूल्यले कायम गर्याे नयाँ रेकर्ड, कतिमा हुँदैछ कारोबार ?

काठमाडौं । सुनको मूल्यमा नयाँ रेकर्ड कायम भएको छ ।...

सिटिजन्स बैंकका ग्राहकलाई ब्लु क्रस डेन्टलमा विशेष छुट

सिटिजन्स बैंकका ग्राहकलाई ब्लु क्रस डेन्टलमा विशेष छुट

काठमाडौं । सिटिजन्स बैंक इन्टरनेसनल लिमिटेड र ग्वार्को, काठमाडौं स्थित...

आईएमई मोटर्स मोटुल इन्डिया एलिट क्लबमा समावेश

आईएमई मोटर्स मोटुल इन्डिया एलिट क्लबमा समावेश

  काठमाडौँ । नेपालमा मोटुल लुब्रिकेन्ट बिक्री-वितरण सुरु गरेको ६...