Logo
१३ मंसिर २०७८, सोमबार
     Mon Nov 29 2021
E-paper
  English Edition
   Unicode
Logo

सर्पदंश उपचार केन्द्रमा श्यया अभाव



१ भदौ, महोत्तरी  । महोत्तरीको बर्दिवासस्थित सर्पदंश उपचार केन्द्रमा बिरामीको संख्यामा वृद्धि भएपछि बिरामीको उपचार गर्न श्ययाको अभाव भएको छ ।

सो उपचार केन्द्रमा दिनहुँ आठदेखि १० जनासम्मका सर्पदंशका बिरामी उपचारको लागि आउने भएपछि उपचार गराउनका लागि श्ययाको अभाव भएको हो ।

तीनवटा मात्र श्यया रहेको र बिरामीको संख्यामा वृद्धि भएपछि एक श्ययामा दुईजनासम्म बिरामीलाई राखेर उपचार गराउँदै आएको उपचारमा संलग्न चिकित्सकले बताएका छन् । एक त उपचार केन्द्र एक सानो कोठामा सञ्चालन गर्नुपरेको, अर्कोतर्फ बिरामीको चापले ठाउँको अभावमा उपचार गर्न समस्या भएको चिकित्सकले जनाएका छन् ।

बिरामीलाई एउटै श्ययामा राखेर उपचार गराउँदा सरुवा रोगको प्रकोप उच्च रहेको स्थानीय राजकुमार गोलेको भनाइ रहेको छ । सर्पदंशका घाइते उपचार गराएर घर गएता पनि उनमा अर्को सरुवा रोगको खतरा भने यथावत नै रहने गोलेको भनाइ रहेको छ ।

सर्पले टोकेर घाइते भएका बिरामीलाई जसोतसो उपचार गरेता पनि गम्भीर प्रकृतिका बिरामीलाई भेन्टिलेटरको अभावमा बचाउन मुस्किल भएको सर्पदंश उपचार केन्द्रका अध्यक्ष कृष्ण देवकोटाले बताउनुभयो ।

यस उपचार केन्द्रलाई आधुनिक प्रविधियुक्त उपचार केन्द्रको रुपमा विस्तार गर्नका लागि केही दिन पहिले स्वास्थ्य मन्त्री गिरिराजमणि पोखरेललाई भेटेर जानकारी गराएकाले केही दिनमै यसलाई व्यवस्थित गर्न पहलकदमी हुने आश्वासन दिइएको स्थानीय राजु खड्काले जानकारी दिनुभयो ।

महोत्तरीको प्रकौलीस्थित फस्र्ट राइफल गणको प्राविधिक सहयोगमा सञ्चालित जिल्लाको एकमात्र सर्पदंश उपचार केन्द्रमा जिल्लाका अन्य स्थानसहित सर्लाही, सिन्धुली, धनुषालगायतका क्षेत्रका बिरामीको भीड हुने गरेको छ ।


यो खबर पढेर तपाईलाई कस्तो महसुस भयो ?

काठमाडौं । नेकपा एमालेका सचेतक विशाल भट्टराईले पार्टी केन्द्रीय सदस्यमा आफ्नो नाम नपरेपनि त्यसलाई

काठमाडौं । नेतृत्व चयनमा सर्वसम्मत गर्ने पार्टी अध्यक्ष केपी शर्मा ओलीको चाहना विपरित एमालेको

काठमाडौं । नेकपा (एमाले) नेता लालबाबु पण्डितले पार्टीको कार्यकारी पदमा नबस्ने घोषणा गरेका छन्

काठमाडौं । एमालेमा पार्टी विधानअनुसार ७० वर्षे उमेर हद पुरा गरेका केही नेता स्वतः

सन्सारन्युज । माओवादी छाडेर एमालेमा लागेका नेता रामबहादुर थापा ‘बादल’ एमालेको दशौं महाधिवेशनमा नराम्ररी