४ भदौ, एजेन्सी । म्यान्चेष्टर युनाईटेडले गत जुलाईमा रियल म्याड्रिडका स्ट्राईकर अल्भारो मोराटालाई किन्न पटक पटक प्रयास गरेतापनि अन्तमा रियलले धोका दिएपछि राता रात क्लबले हाल सम्म तिरेको दोस्रो उच्च मुल्यमा एर्भटनबाट लुकाक्ुलाई भित्राएको थियो । त्यति बेला ल्ुकाकुलाई तिरेको उच्च मुल्यको क्लबले धेरै पैसा हालेको भन्दै युनाईटेडको आलोचना भएको थियो । तर त्यसको प्रतिवाद गर्दै प्रशिक्षक जोसे मौरिन्होले उनी खासै महंगो नभएको बताएका थिए । प्रि सिजनमा युनाईटेडको खेलमा राम्रो प्रभाव जमाएका लुकाकुले सिजनको सुरुवाती प्रिमियर लिगका खेलमा राम्रो प्रभाव छाडेका छन् । तत्कालिन प्रशिक्षक सर एलेक्स र्फगयुसनको अन्तिम सिजनमा रुनी र भान पर्सीको प्रदर्शन पछि युनाईटेडले भरपर्दो स्ट्राईकर पाएको थिएने । गत सिजन फ्रि ट्रान्सफरमा युनाईटेड आएका ज्लाटान ईभ्राईमोभिचले आशा लाग्दो प्रर्दशन गरेतापनि चोटका कारण लामो समय सम्मको लागि बाहिरिन पुगे अन्तत उनलाई क्लबले नै रिलिज ग¥यो ।
त्यसपछि ७५ मिलियन पाउन्डमा युनाईटेड आएका लुकाकुले आर्कषक प्रर्दशन गरेका छन् । प्रिमियर लिगका दुई खेलमा ३ गोल गरेका लुकाकुले युनाईटेडमा आशा लाग्दो प्रर्दशन गरेका छन् । आफ्नो दोस्रो सिजनमा लिगको उपाधि जित्दै आएका मौरिन्होलाई यसले थप खुसी दिलाएको छ । यसले समग्र युनाईटेडको उज्जवल भविष्यको समेत आशा देखाएको मान्न सकिन्छ ।
वि.सं.२०७४ भदौ ४ आइतवार ०६:३७ मा प्रकाशित