Logo
१९ माघ २०७९, बिहीबार
     Thu Feb 2 2023
E-paper
  English Edition
   Unicode
Logo

नेपाल यू–१५ साफको सेमिफाइनलमा



५ भदौ, काठमाडौँ । यू–१५ साफ फुटबल च्याम्पियनसिपअन्तर्गत आज भएको खेलमा नेपाल माल्दिभ्सलाई ६–० गोल अन्तरले पराजित गर्दै सेमिफाइनलमा प्रवेश गरेको छ ।

सातदोबाटोस्थित अखिल नेपाल फुटबल संघ (एन्फा) कम्लेक्सको खेल मैदानमा भएको खेलमा नेपाल माल्दिभ्सलाई हराएर समूह ‘बी’बाट सेमिफाइनल प्रवेश गरेको हो । नेपालले खेलको १४औँ मिनेटमा ब्रिजेश चौधरीको गोलमार्फत अग्रता लियो । दर्शन गुरुङको पासलाई करिब १६ यार्डबाट हेड गर्दै उनले गोल गरे ।

खेलको २२औँ मिनेटमा नेपालका लागि दर्शन गुरुङले दोस्रो गोल गरे । उनले रन्जन पुनले दिएको पासको सदुपयोग गर्दै गोल गरेका थिए । नेपाली टोलीका कप्तान रोशन राना मगरले खेलको ३८औँ मिनेटमा पेनाल्टीमार्फत तेस्रो गोल गरे । माल्दिभ्सका रक्षक मोहम्मद फ्यान इमरानले बल हातले छोएपछि नेपालले पेनाल्टी पाएको थियो । आकाश बुढाले खेलको ४५औँ मिनेटमा चौथो गोल गरे ।

खेलको मध्यान्तरसम्म ४–० गोल अन्तरले अग्रता लिएको नेपालले लगत्तै दुई गोल थप्यो । खेलको ४७आँै मिनेटमा अकाश पुन तथा ७३औँ मिनेटमा ब्रिजेश चौधरीले गोल गरे । ब्रिजेशले करिब २० यार्डबाट प्रहार गरेको बलले सिधै जाली चुमेको थियो ।

यसअघि माल्दिभ्सलाई ९–० गोल अन्तरले पराजित गरेको भारत समूह ‘बी’बाट सेमिफाइनल प्रवेश गरिसकेको छ । नेपाल र भारतबीच बुधबार हुने खेलबाट समूह विजेताको टुंङ्गो लाग्नेछ । रासस


यो खबर पढेर तपाईलाई कस्तो महसुस भयो ?

काठमाडौँ । शुभम पावर लिमिटेडले सर्वसाधारणका लागि साधारण शेयरको बिक्री खुला गरेको छ ।

काठमाडौँ । सुनचाँदी बजारमा आज छापावाल सुनको मूल्य प्रतितोला रू पाँच सयले बढेको छ

काठमाडौं । आजको नेपाली बजारमा विदेशी मुद्राको भाउ यसप्रकार रहेको छ । राष्ट्र बैंकको

काठमाडौँ । सुनचाँदी बजारमा आज छापावाल सुनको मूल्य अघिल्लो कारोबार दिनका तुलनामा प्रतितोला रू