हामी सबैकाे संसारन्यूज

६ भदौँ   एजेन्सी । स्पेनिश क्लब वार्सिलोनाले फ्रेन्च क्लब ओसीजी निसका मिडफिल्डर जीन मिकेल सेरी सँगको सम्झौता नजिक पुगेको छ । लामो समय देखि अर्को लिग वान क्लब पेरिससेन्ट जर्मनका मिडफिल्डर मार्को भेराट्टीलाई किन्न पटक पटक प्रयास गरेतापनि उक्त प्रयास असफल भएपछि आईभोरी कोष्टका मिडफिल्डर सेरीलाई अनुबन्ध गर्न लागेको हो ।
गत सिजन लिग वानमा महत्वपुर्ण प्रर्दशन गरेका २६ वर्षिय मिडफिल्डरलाई     किन्न वार्साले ४० मिलियन युरो बराबरको रकम तिर्न लागेको हो । निकै प्रतिभावान आईभोरियन मिडफिल्डरको आगमनले वार्सिलोनाको मिडफिल्डमा देखिएको खाडल पुरिने विश्वास गरिएको छ ।  सेरीले गत सिजन लिग वानमा ५ गोल गर्नुका साथै ९ गोलको लागि सहयोग गरेका थिए ।