हामी सबैकाे संसारन्यूज

मकाउमा रहेका नेपालीहरुले सडक सफाइ अभियान सम्पन्न गरेका छन् ।  अगस्त २३ का दिन आएको टाइफुन हाटो -typhoon Hato)   का कारण त्यहाको जनजीवन अस्त व्यस्त भएपछि त्यहाँ कार्यरत नेपालीहरु सडकमा उत्रेर सरसफाइमा लागेका हुन् ।

आइसीसी सदस्य शान्ति देबि अधिकारी, प्रजुन कुमार अधिकारी बाबा भाइ (श्रृजन) र कुमार बिकको नेतृत्वमा सन्मालो र पुन्टे १६ एरियामा १७० भन्दा बढी नेपाली, स्थानीयबासी, प्रहरी प्रशासन,मकाउको आइएसिइयम तथा विभिन्न कम्पनीहरुसँग सहकार्यै गरी सरसफाइ कार्यक्रम सम्पन्न गरिएको हो ।

त्यस्तै कर्ण बहादुर अधिकारीको नृतत्वमा रेड मार्केट स्याङ साङताङ पार्क एरियामा पनि ७०–८० जना नेपालीहरूको सहभागितामा सरसफाइ अभियान सम्पन्न गरिएको छ । उक्त स्थानमा बिहाँनको समयमा एनआरएनए अध्यक्ष मुकेश बरूवाल, अमिर जोशी लेख बहादुर गुरूङ र अन्य व्यक्तिहरुको नेतृत्वमा ५०–६० जना नेपालीहरूको सहभागिता भई स्थानिय बासिन्दासंग सहकार्य गरि सोही रेड मार्केट र स्याङ साङताङ पार्क एरियामा सफाई अभियान सम्पन्न गरिएको छ ।

सरसफाइ कार्यक्रममा नेपालीहरूको सहभागिता मात्र नभई नेपाल र नेपालीको परिचय समेत दिन सफल भएको थियो ।

‘सबै नेपाली जनमानसको भावनामा आपत बिपतका बेलामा सहयोग नगरे कहिले गर्ने, त्यसैले हामि सबै नेपाली मिलेर मकाऊ सहर सफा गर्नुपर्दछ । कर्मभुमि मकाऊलाई सफा राख्नु र मकाऊका जनतालाई सहयोग गर्नुपर्छ भन्ने कर्तव्य सम्झेर गरिएको सरसफाइ अभियानमा सहभागी प्रजुन कुमार अधिकारीले बताउनु भएको छ ।