अन्तराष्ट्रिय नेपाली कलाकार समाज पोल्याण्डको आयोजनामा भव्यरुपमा तीज सम्पन्न भएको छ ।
समाजका अध्यक्ष श्रीकृष्ण न्यौपानेको सभापतित्व, एनआरएनए पोल्याण्डका संरक्षक डा. बोधराज सुवेदीको प्रमुख आतिथ्यतामा सम्पन्न भएको उक्त तीज कार्यक्रममा समाजका सचिव सोम सैंजुको कार्यक्रम संचालन र उपाध्यक्ष रिता न्यौपानेको स्वागत मन्तव्य रहेको थियो ।
हिमालयन नेपाली रेष्टुरेण्ट वार्सामा सम्पन्न भएको तीज कार्यक्रममा बाल कलाकार अपि न्यौपाने र गुन्जन न्यौपानेले आफ्नो कला प्रदर्शन गरेका थिए । कार्यक्रममा समाजले निःशुल्क खानपिनको व्यवस्था गरेको थियो भने कल्पना न्यौपानेले व्यवस्थापनमा सहयोग गर्नुभएको थियो ।
पोलयाण्डको इतिहासमा पहिलोपटक उल्लेख्य रुपमा नेपाली महिलाहरुको सभागीता रहेको थियो ।
समाजको तर्फबाट निशुल्क खानपानमा रन्जु भट्टराईले खाना खर्चमा लागेको आधा खर्च स्पोन्सर गर्ने जानकारी गराउनु भएको थियो भने उपस्थित पुरुषहरुले समेत समाजलाई सक्दो सहयोग गर्नु भएको थियो ।
वि.सं.२०७४ भदौ ११ आइतवार ०६:०२ मा प्रकाशित