Sansar News
११ भदौ, काठमाडौं । मलेसियामा हुने एसीसी यू १९ एसिया कप छनौट खेलको कप्तानी दिपेन्द्र सिंह ऐरीले गर्ने भएका छन् । आईतबार घोषणा गरिएको अन्तिम टोलीमा सिंलाई कप्तानीको जिम्मेवारी दिईएको हो ।
नेपाली राष्ट्रिय टोलीका प्रशिक्षक जगत टमाटा र यू १९ टोलीका प्रशिक्षक बिनोद दासले १४ नियमित र ४ अतिरिक्त खेलाडी सम्मिलित नेपाली टोलीको छनौट गरेका हुन् । टोलीमा अघिल्लो महिना सम्पन्न एसीसी यू १९ विश्वकप छनौट खेलेका अघिकांश खेलाडीहरुलाई समावेश गरिएको छ ।
नियमित कप्तान सन्दीप लामिछानेको सट्टा ऐरीलाई कप्तानको जिम्म्ेवारी दिईएको हो ।
घोषित टोलीका सदस्यहरुमा सन्दीप लामिछाने, मोहम्मद आसिफ शेख, सन्दिप सुनार, प्रनित थापामगर, अनिलकुमार साह, पवन सर्राफ, रोहित कुमार पौडेल, किशोर महतो, शाहव आलम, नन्दन यादव, बिक्रम भुसाल, सन्दिप जोरा र सुमित महर्जन छन् ।
अतिरिक्त खेलाडीमा कमलसिंह ऐरी, ललित राजवंशी, प्रकाश केसी र रिजन ढकाल समावेश छन् ।
वि.सं.२०७४ भदौ ११ आइतवार ०७:४१ मा प्रकाशित
