हामी सबैकाे संसारन्यूज

गैरआवासीय नेपाली संघ (एनआरएनए) रसियाको अध्यक्षमा रामेश्वर गौतम निर्विरोध निर्वाचित भएका छन् ।
अगस्त २७ का दिन एनआरएनए रसियाको अध्यक्षमा उम्मेदवारी दर्ता गर्ने क्रममा अध्यक्ष पदमा अन्य कसैको उम्मेदवारी नपरेपछि गौतम निर्विरोध निर्वाचित भएका हुन् ।
त्यस्तै समितिको उपाध्यक्षमा शिवमणि भुर्तेल र सुमन रिजाल, महासचिवमा रोशन पोखरेल, सचिवमा ईन्द्र प्रसाद भुसाल, कोषाध्यक्षमा गोविन्द आर्चाय निर्वाचित भएका छन् भने महिला संयोजकमा पविता उपाध्याय, युवा संयोजकमा किरण राना भाट तथा सदस्यहरुमा धनराज मोक्तान, बुद्धिप्रसाद तिवारी, दुर्गा भट्टराई, हिमलाल र पशुपति घिमीरे निर्वाचित भएका छन् ।
त्यसैगरी आइसीसी सदस्यमा एकनारायण चापागाई निर्वाचित भएका छन् ।
आगामी सेप्टेम्बर ३ मा एनआरएनए रसियाको आठौं अधिबेशन हुने भएपनि कार्यसमितिका सबै पदाधिकारी निर्विरोध निर्वाचित गरेर एनआरएनए रसिया उदाहरणीय देखिएको छ ।
पर्वतको फलेवास नगरपालिकामा जन्मिएर लामो समयदेखि रसियामा व्यवसाय गर्दै आएका अध्यक्ष गौतम सामाजिक कार्यमा समेत सक्रिय रहदैं आएका छन् ।