हामी सबैकाे संसारन्यूज

विजय थापा, अमेरिका । गैरआवासीय नेपाली संघ राष्ट्रिय समन्वय समिति अमेरिकाको निर्वाचनमा अन्य ३ जना प्रतिस्प्रर्धिलाई उछिन्दै अध्यक्ष पदमा दोश्रो पटक पनि चिकित्सक केशव पौडेल निर्वाचित भएका छन ।

अध्यक्ष पदमा केहि समय अगाडी सम्म करिब ५ जनाले उम्मेदवारी दिएका थिए । तर अन्तिम समयमा अध्यक्ष पदका उम्मेदवार गौरी जोशीले उम्मेदवारी फिर्ता लिएपछि अन्तिम प्रतिस्प्रर्धामा केवल चिकित्सक केशव पौडेल सहित ४ जना मात्र उम्मेद्वारहरु मैदानमा उत्रिएका थिए । पौडेलले ४६.७ प्रतिसत मत ल्याई पुन् ः बिजयी भएका छन् ।

मतदान गत सेप्टेम्बर ५ देखि सेप्टेम्बर ६ तारिख सम्म बिहान ८ बजे देखि मतदान बिधुतिय प्रकिया द्वारा निर्वाचन भएको थियो । गत बुधबार राती सेप्टेम्बर ६ तारिख ११ः५९ मिनेट पूर्वीय समय सम्पन्न मत गणना अनुसार चिकित्सक पौडेलका निकटतम प्रतिद्वन्दीहरु रविना थापा ,राम सी पोखरेल, तथा कृष्ण पोख्रेल रहेका थिए । चिकित्सक पौडेलले आफ्नो चुनाबी प्रचार प्रसारमा पहिलो कार्यकालमा अधुरा रहेका काम गर्न पुन ःअ वसर दिन आग्रह समेत गरेका थिए ।

जम्मा १४ हजार ५ सय २० मतदाता मध्ये ९ हजार २ सय ८२ मत खसेको छ । कुल ६४ प्रतिशत मत खसेको निर्वाचन आयोगले जनाएको छ । यसैगरी वरिष्ठ उपाधक्ष्य पदमा सुनिल शाह बिजयी भएका छन् । ४ जना क्षेत्रीय उपाध्यक्षमा बिजयी हुने उम्मेदवारहरुमा क्रमस : दक्षिण क्षेत्रका लागि जेदु पोख्रेल,मध्य पश्चिम क्षेत्रको लागि राधा पौडेल,उत्तर पूर्व क्षेत्रको लागि राम कुमार सुबेदी तथा पश्चिमक्षेत्रका लागि उमा कार्की थापा रहेका छन् ।

यसै गरि महासचिबमा बाबुराम लामा बिजयी भएका छन् भने सचिबमा होम नाथ गौतम बिजयी भएका छन् । यसैगरि कोषाध्यक्षमा प्रकाश अर्याल बिजयी भएका छन् । त्यस्तै महिला संयोजकमा इन्दिरा त्रिपाठी बिजयी भएकी छिन् । कार्यकारी समितिको सदस्यहरुमा अमृत कट्टेल ,आङ्ग ग्याल्जेन,अरुण बन्जाडे ,बिन्दु सापकोटा ,दिव्या केसी ,गोपेंद्र भट्टराई , कृष्ण लामिछाने ,प्रिती सगर खत्री, संजय थापा ,तृष्णा शर्मा तथा बिष्णु बहादुर शाह बिजयी भएका छन ।

यसै गरि आइसीसी सदस्यहरुमा डिल्ली भट्टराई ,बन्दना कोइराला ,बलराम थापा ,बेदराज बस्नेत ,बिष्णु मान प्रधान ,धर्म भट्टराई ,गोमा सेन तथा प्रकाश सापकोटा बिजयी भएका छन् ।

निर्वाचनको अनौपचारिक नतिजा बाहिर आए पछि शंका उपशका र विरोध किन सुरु ?

निर्वाचनको अनौपचारिक नतिजा बाहिर आए पछि शंका उपशका र विरोध सूरू भएको छ । निर्वाचन सकिएको केही मिनेट मै नतिजा सामाजिक संजालमा आएपछि मतदाता र उम्मेदवार आश्चर्य बनेका छन । र आक्रोश पोख्न थालेको पाइएको छ । करिव ३ मिनेटमा नतिजा निस्कनुले निर्वाचन गर्ने निकाय फितलो र कमजोर रहेको आरोप लाग्न सुरु भएको छ ।

यसो हो भने ( ईलेक्सन बडी ) नामक निकायको यन्त्र नै कब्जा गरि अंक यताउता पारेको पनि शंका उम्मेदवारहरूले गरेका छन । मत खसाल्न लाग्दा तपाईहरूले मत खसाएको भनि उम्मेदवारले प्रमाण दिने बताएका छन । ईलेक्सन बडीले गराएको निर्बाचन प्रति गोपनीयता र बिस्वसनीयताको प्रश्न खड़ा भएको छ । मतदान प्रक्रियामा त्रुटि जस्तो फेला परेकोले मतदान प्रक्रिया पनि छानबीन होस भन्ने पनि सामाजिक सञ्जालमा आइरहेको अवस्थामा प्रमुख निर्वाचन आयुक्तले सम्बोधन गर्ने हेतुले दूर संचार प्रणाली( कन्फेरेन्स कल ) मा सरिक हुन् आव्हान गर्दै सम्बोधन गरिन् ।

किन निर्वाचन आयुक्त बन्दिता शर्मा दाहालद्वारा निर्वाचन परिणाम प्रकाशित गर्नु अघि दूर संचार प्रणाली( कन्फेरेन्स कल ) मा सरिक
एनआरएन अमेरिकाकि निर्वाचन आयुक्त बन्दिता शर्मा दाहालले निर्वाचन आयोगले निर्वाचन परिणाम प्रकाशित गर्नु अगावै अनौपचारिक रुपमा सामाजिक संजालमा आएको निर्वाचन परिणाम आएकोले सामाजिक संजालमा हंगामा मच्चियो । सत्य तथ्य पत्ता लगाउन निर्वाचन समितिका सदस्य तथा निर्वाचन गराउने निकाय संग छलफल गरे पछि निर्वाचन आयुक्त दाहालले संचारकर्मी ,उम्मेदवार तथा अन्य सहभागीहरुको जानकारी दिदै जिज्ञाशालाई समेत सम्बोधन गरिन् ।

आयुक्त शर्माले निर्वाचन मतदानमा कुनै ह्याक (अनधिकृत प्रवेश ) नभएको जानकारी दूर संचार प्रणाली( कन्फेरेन्स कल ) को मार्फत गराईन् । प्रमूख निर्वाचन आयुक्त बन्दिता शर्मा दाहाल को नेतृत्वमा मतदान सम्पन्न भएको थियो भने ईलेक्सन बडी नामक निकायलाई बिधुतिय मतदानको जिम्मा दिइएको थियो ।