हामी सबैकाे संसारन्यूज

३० भदौ, काठमाडौँ ।ब्राजिल तथा रियल म्याड्रिडका लेफ्ट ब्याक तथा मार्सेलोले रियल सँगको सम्झौता थप गरेका छन् । मार्सेलोले दुई वर्ष सम्झौता थप गर्दै सन् २०२२ को जुन सम्म क्लबमै रहने भएका हुन् ।
सन् २००६ मा ब्राजिलियन क्लब फ्लुमिनेसीबाट रियल आएका मार्सेलो रियलका कप्तान सर्जियो रामोश पछि सबैभन्दा धेरै वर्ष क्लबमा रहेका खेलाडी समेत हुन् । रामोश सन् २००५ मा रियल आएका थिए भने मार्सेलो एक वर्ष पछि रियल आएका हुन् । मार्सेलो रियलमा सबैभन्दा धेरै रहने स्पेन बाहिरका खेलाडी समेत हुन् । उनी रियलका उपकप्तान समेत हुन् ।
मार्सेलोले हाल सम्म रियलको जर्सीबाट ४१४ खेल खेलेका छन् । यस्तै उनले रियलबाट ४ लालिगा तथा ३ चयाम्पियन्स लिगको उपाधि जितेका छन् । उनी विश्वकै उत्कृष्ट लेफ्ट ब्याक मानिन्छन् ।