Logo
१२ मंसिर २०७८, आईतवार
     Sun Nov 28 2021
E-paper
  English Edition
   Unicode
Logo

‘योगमाया राष्ट्रिय नारी स्रष्टा सम्मान’ मिठाइदेवीलाई



३१ भदौ, काठमाडौँ । यस वर्षको ‘योगमाया राष्ट्रिय नारी स्रष्टा सम्मान’ मिठाइदेवी विश्वकर्मालाई दिइएको छ ।

नेपाल स्रष्टा समाजको १० औँ साधारणसभाका अवसरमा शुक्रबार समाजका अध्यक्ष पवन आलोकद्वारा स्थापित सो सम्मानका साथ नेपाली भाषा–साहित्य र समाज सुधारका क्षेत्रमा महत्वपूर्ण योगदान दिएबापत विश्वकर्मालाई रु २५ हजार र प्रमाणपत्र दिइयो । समाजका अध्यक्ष आलोकले राणाकालमै नारी जागरणका प्रणेता योगमाया न्यौपानेका नाममा स्थापित उक्त सम्मान विसं २०६५ देखि निरन्तर दिइएको बताउनुभयो ।

यस्तै संस्थाका उपाध्यक्ष विधान आचार्यद्वारा स्थापित ‘सुभद्रा–विश्वराज साहित्य सम्मान’ साहित्यकार रमेशचन्द्र देवकोटालाई प्रदान गरिएको छ । यस वर्षदेखि स्थापित उक्त सम्मानका साथ रु ११ हजार १११ छ । यस्तै संस्थाका कोषाध्यक्ष पुष्पा खनालले पनि यही वर्षदेखि पुरस्कार स्थापना गर्नुभएको छ । उहाँले अर्को वर्ष प्रदान गर्नेगरी रु १० हजार राशिको ‘दमन्ता खनाल स्मृति नारी सम्मान’ स्थापना गर्नुभएको हो ।

सो अवसरमा नेपाल प्रज्ञा–प्रतिष्ठानका कुलपति गंगाप्रसाद उप्रेतीले स्रष्टालाई राज्यले सम्मान गर्नुपर्ने भए पनि स्रष्टाले स्रष्टालाई नै सम्मान गरेर राम्रो कामको थालनी गरेको बताउनुभयो ।

विसं २०६५ मा स्थापित समाजमा हाल १४६ आजीवन तथा विशिष्ट सदस्य रहेको संस्थाका महासचिव चेतनाथ कणेलले जानकारी दिनुभयो ।


यो खबर पढेर तपाईलाई कस्तो महसुस भयो ?

काठमाडौं । नेकपा (एमाले)का अध्यक्ष केपी शर्मा ओली बन्दसत्रमा प्रस्तुत गर्ने पदाधिकारी र केन्द्रीय

काठमाडौं । सर्वसम्मत नेतृत्व चयनको प्रयासमा रहेका एमाले अध्यक्ष केपी शर्मा ओलीले नेताहरुसँग व्यक्तिगत

फर्शुराम भुर्तेल,पर्वत । गण्डकी प्रदेश पर्वत जिल्लाको पैञ्यू गाउँपालिकामा माओवादी शक्ति पुर्नसंगठित हुँदै अघि

अफ्रिका । इमिरेट्स एयरलाईन्सद्धारा घानाको एयरपोर्टमा अचेत अवस्थामा छोडिएका रुकुमका रुपक बोहोराको उपचारकै क्रममा