हामी सबैकाे संसारन्यूज

नेपाल एसिसी यू–१९ पूर्वी क्षेत्रीय प्रतियोगिताको उपाधि जितेको छ । आइतबार मलेसियाको किन्नारा ओभलमा भएको खेलमा हङकङलाई ५ विकेटले पराजित गरेर नेपालले उपाधि कब्जा गरेको हो ।

हङकङले दिएको ७७ रनको लक्ष्य नेपालले ५ विकेटको क्षतिमा १४.४ ओभर खेलेर पार गर्‍यो। नेपालको जितमा प्रनित थापामगरले नटआउट १९ रनको योगदान गरे। उनले १५औं औभरमा २ छक्का र १ चौका प्रकार गरेका थिए। नेपालका ओपनरद्व सन्दीप सुनार १९ तथा आरिफ शेख १ रनमा आउट भयो। सन्दीपले २१ बल खेलेर ४ चौका प्रहार गरे । यस्तै अनिल साहले १६ रनको योगदान गरे । कप्तान दीपेन्द्रसिंह ऐरी २२ रनमा आउट भए । सुमीत महर्जन भने शून्य रनमा आउट भए।

टस हारेर ब्याटिङको निम्तो पाएको हङकङले ३२.१ ओभरमा ७६ रनमा अलआउट भयो। हङकङलाई सस्तैमा समेट्ने क्रममा नेपालका लागि सन्दीप लामिछाने र सहाब अलामले ३\३ विकेट लिए । यस्तै दीपेन्द्रसिंह ऐरी र अनिल साहले १र१ विकेट हात पारे।
उपाधिसँगै नेपाल यू–१९ एसिया कपमा छनोट भएको छ। यही वर्ष मलेसियामै हुने यू–१९ एसिया कपका लागि भारत, पाकिस्तान, श्रील‍ंका र ब‌ंगलादेश सिधै छनोट भइसकेका छन्।