Logo
१६ मंसिर २०७८, बिहीबार
     Thu Dec 2 2021
E-paper
  English Edition
   Unicode
Logo

आयआर्जन गरिरहने खालका कार्यक्रम ल्याउनु मेरो प्राथमिकता-आरके शर्मा



rk-sharma
गैरआवासीय नेपाली संघ (एनआरएनए) १७/२०१९ कार्यकालको लागि गल्फ संयोजकमा कतारका सफल व्यावसायी आर के शर्माले उम्मेदवारी घोषणा गरेका छन् । काठमाडौँमा हुनेएन आरएनए को बिस्व सम्मेलनमा आफूले गल्फ संयोजक पदमा उम्मेदवारी दिन लागेको शर्माले जानकारी गराए । शर्मा कतारका सफल व्यावसायी, समाजसेवी र एनआरएनका अभियन्ताका रुपमा चिनिन्छन ।

कतारमा ब्यवसाय गर्दैगर्दा एनआरएनएको संस्थागत बिकास र नेपालीहरुको हकहितका लागि उल्लेखनीय काम गरेका शर्मास बर्तमान एनआरएनका आइसीसी सदस्य पनि हुन् । मध्यपूर्वमा रहेका नेपाली श्रमिकका साथै बिभिन्न पेशा व्यवसायमा रहेका नेपालीहरुको हकहितको लागि अहोरात्र खट्ने उनि नेपालीका लागि नयाँ नयाँ अवसरको वातावरण सिर्जना गर्न र श्रमिककै हकहितको लागि मध्यपुर्वको आवाजलाइ बुलन्द पार्नकै निम्ति एनआरएनको गल्फ संयोजकमा दर्ता गराउन लागेको बताए।

बिगत लामो समयदेखि कतारमा ब्यवसाय गर्दै आएका शर्मा गल्फमा बसोवासगर्दै आएका एनआरएनएका अभियन्ताहरुसंग लगातार सम्पर्कमा रहेर आफ्नो उम्मेदवारीको बारेमा चर्चा गरिरहेको र अभियन्ताहरुकै आग्रहमा आफ्नो उम्मेदवारी दर्ता गराउन लागेको बताउछन । मध्यपूर्वका बिगत देखि थाती रहेका मुद्धाहरुलाइ सस्थागत गर्नकै निम्ति र बिशेस नेपाली दाजुभाईहरुका समस्याहरुलाइ समाधानतर्फ उन्मुख गराउदै अझै गम्भीर भएर काम गर्नकै निम्ति पनि उनको उम्मेदवारीलाइ सकारात्मक मुल्यांकन गर्दै सहयोग गर्न आग्रह पनि गरेका छन्।

आदरणीय गैरआवासीय नेपाली दाजुभाई, दिदीबहिनी तथा पत्रकार मित्रहरु,

विश्वभरी छरिएर रहेका नेपालीहरुको आशा र भरोसाको केन्द्र गैरआवासीय नेपाली संघको विश्व सम्मेलन काठमाडौंमा हुदै गरेको सर्वविदितै छ। विगत लामो समयदेखि एनआरएन अभियानमा सहभागी हुदै आएको एनआरएनए कर्मिको हैसियतमा मैले आगामी दुईबर्षका लागि नयाँ नेतृत्व चयन गर्ने उक्त सम्मेलनमा गैरआवासीय नेपाली संघ अन्तर्राष्ट्रिय समन्वय परिषद, मध्यपूर्व क्षेत्रीय संयोजक पदमा उम्मेदवारी दिने निर्णय गरेको छु।

विगतदेखि एनआरएन संस्थामा प्रत्यक्षरुपमा संलग्नता जनाएर खाडीराष्ट्र, यूरोप संघीय मुलुक, एसिया प्रशान्त तथा नेपाल लगायत विश्वभर हुने गरिएका रआवासीय नेपाली संघको विभिन्न गतिविधीहरुमा प्रत्यक्ष रुपमा सरिक भई आफ्नो स्वविवेकले आर्थिक, भौतिक तथा नैतिक सहयोग प्रदान गर्दै गैरआवासीय नेपाली संघको नेपालीका लागि नेपाली भन्ने मूलमन्त्रलाई व्यवहारमा सावित गर्न व्यक्तिगत रुपमा भूमिका खेल्दै आएको सन्दर्भमा कतार लगायत खाडी मुलुक तथा विश्वभर छरिएर रहनुभएका सम्पुर्ण गैरआवासीय नेपालीजनले विगत देखि दिनुभएको माया र सद्भावका कारण मलाई एनआरएनए अभियानमा सकृयताका साथ अगाडि बढ्न थप उर्जा मिलेको छ ।

मेरा एजेण्डाहरु

१) मध्यपूर्वका एनआरएनए एनसीसीहरु र एनआरएन आईसीसी बीच सुमधुर र थप अर्थपूर्ण सम्बन्ध स्थापित गर्दै मध्यपूर्वका एजेण्डाहरुलाई आईसीसीका एजेण्डा बनाउने दिशामा काम गर्न आईसीसी र एनसीसीहरु बीच पुलको रुपमा समन्वयकारी एवं सहयोगी भूमिका खेल्नका लागि पूर्ण प्रतिबद्ध रहने छु । एनआरएनए आईसीसीको विधानले तोकेका सबै काम सही ढंगले गर्न प्रतिबद्ध रहने छु।

२) युरोप, अमेरिका र ओसियाना क्षेत्रको तुलनामा मध्यपूर्वका एजेण्डा र समस्याहरु फरक छन्। खासगरी युरोप, अमेरिका र ओसियाना क्षेत्रका नेपालीहरुलाई प्रतिनिधित्व गर्ने दोहोरो नागरिकताको विषय एक हदसम्म संविधानमा समेटिइसकेको छ । त्यसैले अब सिङ्गो एनआरएनको आईसीसीको ध्यान नेपालमा सबैभन्दा धेरै रेमिट्यान्स भित्रिने क्षेत्र मध्यपूर्वमा केन्द्रीत हुन जरुरी छ। मध्यपूर्वका नेपालीका सम्पूर्ण समस्या र एजेण्डालाई ठोसरुपमा लिपिवद्ध गरी नीति निर्माणका लागि अगाडि बढाउन बिशेष पहल सहयोग गर्ने छु।

३) मध्यपूर्व नेपालको सबैभन्दा ठूलो श्रमबजार हो ।वैदेशिक रोजगारीका नाममा नेपालबाट ठूलो श्रम मध्यपूर्वमा बाहिरिने गरेको छ।उपयुक्त सीप र दक्षताको अभावमा मध्यपूर्वमा काम गर्ने नेपालीहरुले सस्तोमा आफ्नो श्रम बेच्न बाध्य छन् । उनीहरुको सिप अभिवृद्धि गरी सीप अनुसारको उचित पारिश्रमिक दिलाउने दिशामा एनसीसीहरुसँग समन्वय गरेर कार्यक्रमहरु अगाडि बढाउन पहल गर्नेछु। यसका लागि मध्यपूर्वमा रहेका नेपाली दूतावासहरु तथा सम्बन्धित सरकारी निकायहरुसँग छलफल गरी उनीहरु मार्फत उचित कार्यक्रम ल्याउनका लागि पहल गर्नेछु । साथै मध्यपूर्वमा भित्रिने श्रमलाई नेपालमा नै उपयोग गर्न सकिने वातावरणका लागि आईसीसीसँग समन्वय गरेर उचित नीति निर्माणका लागि पहल गर्नेछु।

४) स्वास्थ्य र सुरक्षा सम्बन्धि जनचेतनाको अभावमा वैदेशिक रोजगारमा कतार लगायत खाडीराष्ट्रमा कार्यरत कैयन नेपालीहरुले अकालमा ज्यान गुमाउनु परेको छ।सम्पुर्ण गैरआवासीय नेपाली जनहरुमा स्वास्थ्य तथा सुरक्षा सचेतना प्रदान गर्न व्यवहारिक रुपमानै आफुले भूमिका निर्वाह गर्ने प्रतिबद्धता व्यक्त गर्दछु। साथै मध्यपूर्वका नियम कानुन र श्रमबारेका अधिकार तथा कानुनको जनचेतनाको अभावमा धेरै नेपालीहरुले समस्या भोग्दै आएका छन् । यसबारे जनचेतनामुलक कार्यक्रमहरु गर्न एनसीसीहरु, नेपाली दूतावास र अन्य सम्बन्धित निकायहरुको सहभागितामा विशेषपहलगर्नेछु।

५) मध्यपूर्वमा नेपालीहरुले आर्जन गरेको कमाई उत्पादनमुलक काममा लगाउन र सही सदुपयोगका लागि उचित कार्यक्रमहरु ल्याउन पहल गर्नेछु।बर्षौसम्म मध्यपूर्वमा काम गरेर पनि स्वदेश फर्कने बेलासम्म सबै रकम अनुत्पादक मुलक र विलासितामा खर्च भइसकेको हुने समस्या रहेकाले त्यसलाई उत्पादनमुलक काममा लगाउँदा नेपाल फर्किसके पछि पनि त्यो लगानीले आयआर्जन गरिरहने खालका कार्यक्रम ल्याउनु मेरो प्राथमिकता हुनेछ।

६) मध्यपूर्वका राष्ट्रहरुले विश्वका विभिन्न क्षेत्रमा लगानी गर्दै आएको सर्वविदितै छ । यो सन्दर्भमा मध्यपूर्वका राष्ट्रहरुबाट नेपालमा वैदेशिक लगानी भित्राउने उचित पहल गर्न नेपाल सरकारका सम्बन्धित निकाय तथा मध्यपूर्वका राष्ट्रका सम्बन्धित निकाय, तथा विज्ञहरुसँग समन्वय गर्दै विशेष भूमिका खेल्ने छु।

७) खाडीराष्ट्रमा रहेका नेपालीका सबै समस्याको उचित पहिचान गर्दै समस्या समाधानार्थ प्रत्यक्ष निगरानी राख्न आईसीसी र एनसीसीहरुसँग समन्वय गर्दै विशेष कार्यदल गठन गर्न भूमिका खेल्ने छु। मध्यपूर्वमा रहेका नेपालीहरुका समस्या समाधान र विभिन्न अवशरहरुको सदुपयोगका लागि यस क्षेत्रमा रहेका सम्पूर्ण नेपाली संघसंस्थाहरुसँग समन्वय गर्दै सहकार्यको वातावरण बनाउन पहल गर्ने छु।

८) हाल एनआरएनएको परिभाषाले २ बर्षसम्म विदेशमा रहेका नेपालीहरुलाई मात्र एनआरएनको मान्यता प्रदान गरिेको छ। यसले मध्यपूर्वमा रहेका धेरै नेपालीहरु नसमेटिने भएकाले अन्तर्राष्ट्रिय मान्यता अनुसार १८३ दिन विदेशमा विताएका नेपालीहरुलाई एनआरएनको मान्यता दिलाउन आईसीसी मार्फत सम्बन्धित निकायहरुसँग पहल गर्ने छु।

९) मध्यपूर्वका एनआरएन एनसीसीहरुमा प्राय एकै प्रकृतिका समस्याहरु र त्यसको समाधानका लागि पनि उस्तै खालका उपायहरु अबलम्बन आवश्यक भएकाले एनसीसीहरु र त्यसका पदाधिकारीहरुलाई थप सकृय बनाउन सबैलाई जिम्मेवारी प्रदान गर्ने कार्यक्रमहरु ल्याउन एनसीसीहरुसँग सामुहिक छलफल र बैठक गर्नेछु । कार्यसम्पादनको मूल्यांकन गर्दै प्रोत्साहन गर्ने कार्यक्रमहरु अगाडि बढाउन भूमिका खेल्ने छु।

१०) लेबनान, जोर्डन तथा इराकमा नेपाली दूतावासहरु नभएको हुनाले ती क्षेत्र हेर्ने दूतावासहरुलाई मासिक रुपमा ती क्षेत्रमा पुगेर नेपालीका समस्याहरु समाधान गर्न तथा सेवा पुर्याउन कार्यक्रम ल्याउन सम्बन्धित निकायसँग पहल गर्नेछु ।

११) मध्यपूर्वका पर्यटकहरुलाई नेपाल भित्र्याउन तथा मध्यपूर्वबाट अन्य देशमा घुम्न जाने पर्यटकहरुलाई नेपाल घुम्न जानका लागि प्रोत्साहन गर्न पर्यटन सम्बन्धी विशेष दख्खल राखेका गैरआवासीय नेपाली विज्ञहरुलाई समेटेर विशेष कार्यदल गठन गरी एनआरएन अभियान अन्तर्गतनै सूचारु गर्न विशेष जोड दिएर लाग्ने छु।

१२) मध्यपूर्वमा रहेका एनसीसीहरु मार्फत एनआरएन कार्डको व्यवस्था गरी सदस्यहरुलाई कार्डमार्फत एयरलाइन्स, होटल, रेष्टुरेण्ट, ग्रोसरी स्टोर, अस्पताल लगायतका विभिन्न क्षेत्रमा डिस्काउन्ट र सुविधा प्राप्त गर्ने व्यवस्थाका लागि पहल गर्नेछु । यो प्रावधानले स्वत स्फूर्त एनआरएनएको सदस्यता लिनेहरुको संख्या बढ्ने तथा सदस्यहरुले प्रत्यक्ष रुपमा तुरुन्तै फाइदा लिन सक्ने वातावरण बन्ने छ।

१३) मध्यपूर्वमा रहेका नेपालीहरुले कुनै समस्या पर्दा वा आपतकालिन अवस्था आउँदा त्यसबारे सिधा जानकारी दिन सक्ने व्यवस्था गर्न एनसीसीहरु मार्फत हटलाइन टेलिफोन सेवा उपलब्ध गराउन पहल गर्ने छु।

१४) नेपाली संस्कृति र पर्यटन प्रबद्र्धनका लागि नेपाल हाउस स्थापना गर्न, यसक्षेत्रमा रहेका नेपालीका परिवारलाई दृष्टिगत गरी नेपाली स्कुलहरु स्थापना गर्न र नेपाल हाउसमार्फत नेपाली उत्पादनको प्रवद्र्धनको लागि भूमिका खेल्ने छु।

माथि उल्लेखित बुंदाहरु मेरा प्राथमिकतामा परे पनि तत्कालिन अवस्थामा आइपर्ने सबै काममा मेरो सकृय भूमिका रहने छ। एनआरएनएको र मध्यपूर्वमा रहेका नेपालीहरुको हितमा काम गर्न एनआरएनए आईसीसीका तर्फबाट मध्यपूर्व क्षेत्रीय संयोजकको भूमिका पूरा गर्ने अवसर प्रदान गर्नु हुनेछ भन्ने मैले अपेक्षा गर्दछु ।

धन्यवाद सहित

आरकेशर्मा (राजेन्द्रकुमार शर्मा)
उम्मेदवार
क्षेत्रीय संयोजक (मध्यपूर्व)
गैरआवासीय नेपाली संघ, अन्तर्राष्ट्रिय समन्वय परिषद्


यो खबर पढेर तपाईलाई कस्तो महसुस भयो ?

काठमाडौं । नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ को सचिवालयले एक संचारमाध्यममा

प्रेम रौले । चारपाङ्ग्रे हलुका सवारीसाधनलाई मानिसहरुले धकेलेको त तपाईं हामी सबैले देखेका छौं

काठमाडौं । पेसागत महासङ्घ नेपालले प्रधानमन्त्री शेरबहादुर देउवालाई २५ वुँदे ज्ञापनपत्र बुझाएको छ ।

चितवन । नेकपा (एमाले)को १०औँ राष्ट्रिय महाधिवेशनले जिल्लाका दुई उपाध्यक्षसहित १० जनालाई केन्द्रीय समितिमा

काठमाडौं । तत्कालिन नेपाल कम्युनिष्ट पार्टी (नेकपा) भित्र विवाद सिर्जना हुँदै गर्दा तेस्रो पंक्तिमा