१८ असोज, रत्ननगर, चितवन । चितवनको भरतपुर महानगरपालिका–१४ सुन्दरबस्तीका एक युवा मङ्लबार मृत फेला परेका छन् ।
जिल्ला प्रहरी कार्यालय चितवनका अनुसार २० वर्षीय शिशिर नेपाली मङ्लबार घर नजिकैको सडक छेउमा मृत भेटिएका हुन् । उनी सोमबारदेखि हराइरहेका थिए ।
चितवनका प्रहरी नायब उपरीक्षक शिव शर्मा आचार्यले उनको शवलाई शव परीक्षणका लागि भरतपुर अस्पतालमा ल्याइएको जानकारी दिनुभयो ।
आइतबार बढी मादक पदार्थ सेवन गरेको पाइएपछि सोमबार परिवारको निगरानीमा उनलाई घरमा राखिएको थियो । त्यही बेला परिवारलाई छलेर उनी बेलुकादेखि घरबाट हराएको परिवारको भनाइ उद्धृत गर्दै प्रहरी नायब उपरीक्षक आचार्यले जानकारी दिनुभयो । सडक छेउमा मृत भेटिएका उनको टाउको र कञ्चटमा चोटसमेत देखिएको आचार्यले जानकारी दिनुभयो ।
-->
