२० असोज, काठमाडौँ । अर्जेन्टिनाका प्रशिक्षक जोर्गे साम्पोलीले आफ्नो टोली सन् २०१८ मा हुन लागेको विश्वकपमा छनोट हुने कुामा विश्वस्त रहेको बताएका छन् । आज बिहान सम्पन्न पेरु सँगको खेलमा बराबरीमा रोकिए सँगै विश्वकपमा छनोट हुने सम्भावना अझै कमजोर बनेको छ । त्यसका बाबजुद प्रशिक्षक साम्पोलीले आफुहरुले अन्तिम खेलमा राम्रो प्रर्दशन गर्दै आफुहरु विश्वकपमा छनोट भईछाड्ने प्रतिबद्धता व्यक्त गरेका हुन् । अर्जेन्टिनाले छनोट चरणको अन्तिम खेल ईक्वेएडर सँग खेल्दै छ । उक्त खेल अर्जेन्टिनाले जसरी पनि जित्नु पर्ने बाध्यता रहेको छ ।
अर्जेन्टिना २५ अंक सहित तालिकाको छैठौ स्थानमा रहेको छ । पेरु समान अंक सहित गोल अन्तरको आधारमा पाचौँ स्थानमा छ भने कोलम्बिया २६ अंक सहित चौथो स्थानमा रहेको छ । अबको खेलमा पेरु र कोलम्बिया समेत आपसमा भिड्दै छन् अबको खेलमा पेरु ले कोलम्बियालाई जितेकोे खण्डमा अर्जेन्टिना बराबरीमा रोकिएमा विश्वकपको ढोका बन्द हुने छ । तर कोलम्बियाले पेरुलाई जितेको खण्डमा अर्जेन्टिनाले बराबरी गरेको अवस्थामा समेत विश्वकपको प्ले अफको लागि छनोट हुनेछ ।
