back

सम्पूर्ण एनआरएनहरुले अपनत्व महशूस गर्ने वातावरण बनाउने छु – महेन्द्र कुमार लम्साल

वि.सं.२०७४ असोज २१ शनिवार

228 

shares
RBB AD
NTC AD
Rastriya Swastha Sikshya Suchana Tatha Sanchar Kendra

mahendra-lamsal
एनआरएनएको यहि अक्टोबर १४ देखि १७ सम्म काठमाडौँमा हुने आठौँ विश्व सम्मेलनले चयन गर्ने २०१७ देखि २०१९ को नयाँ कार्यसमितिका लागि अष्टे«लियाबाट महेन्द्र कुमार लम्सालले सचिवमा उम्मेदवारी घोषणा गरेका छन् । अष्ट्रेलियामा विभिन्न व्यवसाय सञ्चालन गर्दै आएका लम्साल संघमा लामो समय देखि क्रियाशिल हुँदै आएका छन् । एनआरएनए आईसीसी ओसियाना क्षेत्रीय संयोजकसमेत रहेका लम्सालले उम्मेदवारी घोषणा गर्दै आफ्नो ९ बुँदे प्रतिबद्धता सार्वजनिक गरेका छन् । विद्युतीय प्रेस वक्तव्य जारी गर्दै एनआरएनएलाई अरु सशक्त, संगठित र समय सापेक्ष अभियानको रुपमा स्थापित गराउने अभियानमा साथ दिने उद्देश्यले आफूले सचिव पदमा उम्मेदवारी दिएको बताएका छन् ।

लम्सालद्वारा जारी विद्युतीय वक्तव्य जस्ताको तस्तै :

महेन्द्रकुमार लम्साल “नेपालीका लागि नेपाली” मूल नाराका साथ स्थापित गैर आवासीय नेपाली संघले करिब १४ बर्ष पार गर्दै गर्दा यसको आकार मात्र बढेको छैन चुनौती पनि उत्तिकै थपिएका छन् । यो अभियानको बिगत देखि बर्तमान सम्म आइपुग्दा भबिष्य निकै उत्साहजनक पनि देखिन्छ । एनआरएनए अभियान सुरु हुदा बिदेशमा नेपाली हरुको संख्या करिब ५ लाख मात्र थियो भने अहिले आएर करिब ५० लाख नेपालीहरु सार्क मुलुक बाहिर रहेको तथ्यांकले देखाउछ र यो क्रम बढ्दो छ ।

यसरि बढ्दो जनशक्तिको पलायन नेपालको लागी पक्कै पनि राम्रो होइन र यो क्रमलाइ तत्कालमा रोक्न सक्ने स्थिति पनि देखिदैन । तर एनआरएन मात्र एउटा यस्तो संस्था हो जसले विदेशमा रहेका समग्र नेपाली हरुलाई एकत्रित गरि उनिहरुमा विद्यमान श्रोत साधन र शक्तिलाइ पहिचान, एकत्रित र ब्यबस्थान गरि नेपाल र नेपालीको बिकाशमा परिचालन गर्ने सामर्थ्य राख्दछ । यसका लागि एनआरएनएलाइ अरु सशक्त, संगठित र समय सापेक्ष अभियानको रुपमा स्थापित गराउने महान अभियानमा साथ दिनका लागि मैले आगामी अक्टोबर १४ देखि १७ सम्म हुन गैरहेको एनआरएनए आइसीसी आठौ विश्व सम्मेलनमा सचिब पदमा आफ्नो दिने निर्णय गरेको छु र सम्बन्धित सबैको सहयोगको अपेक्षा गर्दछु ।

एनआरएनए आगामी कार्यकालमा हाम्रा सामुहिक प्रतिबद्धताहरु यसप्रकार हुने छन् :

1- एनआरएनए सातौ विश्व सम्मेलनको नारा “पुननिर्माणको सच्चा साझेदार” अनुसार हाल बन्दै गरेको लाप्राक एकिकृत नमूना बस्ति (५७३ घरहरु) छिटो भन्दा छिटो निर्माण सम्पन्न गरि बाकि बस्ति निर्माणका लागि पनि आवस्यक पहल गरिनेछ ।

2 – निर्माणाधीन  सचिवालय भवनलाइ सम्पन्न गर्न आवस्यक श्रोत साधन जुटाउन सबै एनआरएनए एनसीसी संजाललाइ प्रभावकारी ढंगले परिचालन र प्रोत्साहन गरिनेछ ।

3 – एनआरएनएको बिस्तार संगै यो अभियानलाइ दिगो रुपमा एउटा संगठित र सबल संस्थाको रुपमा बिस्तार गर्न प्रस्ताबमा ल्याईएको Vision 2020 & Beyond एजेन्डालाइ परिष्कृत गर्दै कार्यान्यनको लागि सक्दो पहल गरिनेछ ।

4 – खाडी मूलुकमा जाने नेपाली दाजुभाइ दिदिबहिनि हरुलाई पर्ने दुख पिडामा सहयोग गर्न बैदेशिक रोजगार सहायता कोषलाइ थप प्रभावकारी बनाइने छ।

5 – रेमिट्यान्स भित्र्याउने नाममा देशको जनशक्ति निर्यात गरेर नेपालको बिकाशको कल्पना कदापी गर्न सकिदैन । तसर्थ एनआरएनएले नेपाल सरकारसंग सहकार्य गर्दै सामूहिक लगानी मार्फत कम्तिमा पनि खाडी मूलूक  र मलेसियामा कष्टकर जिवन बिताइरहेका नेपाली दाजुभाई दिदीबहिनीहरु लाइ स्वदेश मै रोजगारीको अवसर सिर्जना गर्न पहल गरिने छ ।

6 – साझा एनआरएनएको मर्म अनुसार धेरै भन्दा धेरै एनआरएनहरुलाई संस्थामा प्रवेश गर्न सहज बाताबरण बनाइने छ । जसले गर्दा एनआरएनए सिमित र सम्पन्न व्यक्ति मात्रको नभई समग्र एनआरएनहरुले यसमा अपनत्व महशूस गर्न सकुन ।

7 – एनआरएनएको बिधानमा गठित विभिन्न समिति तथा उपसमितिहरुलाई समय सापेक्ष रुपमा सक्रिय र वलियो वनाउने, सो समिति तथा उपसमितिका पदाधिकारीहरुलाई पद–ग्रहण भन्दा पनि पदिय जिम्मेवारी वहन गराउन बिशिष्ट रुपमा उनीहरुको काम कर्तव्य अधिकारको व्यवस्था सहितको नियमावलि तयार गर्न पहलकदमी गरिनेछ ।

8 – २०१५ मे २८ मा न्युजिल्यान्डको क्राइस्टचर्चमा सपन्न दोश्रो ओसेनिया क्षेत्रीय मीटिंगले पारित गरेको ९ बुदे प्रतिबद्दताको अनुगमन गर्दै बाकि कार्यहरु यथासिघ्र सम्पन्न गरिनेछ ।

9 – हालसम्म विश्वको ७६ देशमा विस्तार भएको एनआरएनका राष्ट्रिय समन्वय  समितिहरुलाई विस्तार गरी नेपाली समुदायहरु रहेका विश्वका सम्पूर्ण राष्ट्रहरुमा पुर्याउन पहलकदमी गरिनेछ ।

 

महेन्द्र कुमार लम्साल

गैर आवासीय नेपाली संघ, अन्तर्राष्ट्रिय समन्वय समिति

क्षेत्रीय सम्योजक – ओसेनिया

उम्मेदवार : एनआरएनए आइसीसी सचिब  २०१७ – २०१९

सम्पर्क : +६१४१२००१७६९

इमेल: [email protected]

 

वि.सं.२०७४ असोज २१ शनिवार १३:१३ मा प्रकाशित

NLIC AD
NABIL bank AD
ADBL AD
बेइजिङ प्लसमा दलित महिलाका मुद्दा उठाउन जरुरी

बेइजिङ प्लसमा दलित महिलाका मुद्दा उठाउन जरुरी

काठमाडौँ । अन्तर लैङ्गिक सहभागितालाई विश्व महिला सम्मेलन ‘बेइजिङ प्लस’...

अनेसास निर्वाचनका लागि पर्यवेक्षक समिति गठन

अनेसास निर्वाचनका लागि पर्यवेक्षक समिति गठन

काठमाडौं । अन्त्तर्राष्ट्रिय नेपाली साहित्य समाजको २०२४–२०२६ को कार्यसमिति निर्वाचनका...

सेसेल्समा हरितालिका तीज मनाइँदै

सेसेल्समा हरितालिका तीज मनाइँदै

सेसेल्स । गैरआवासीय नेपाली संघ सेसेल्सको आयोजनामा सेसेल्समा हरितालिका तीज...

बैध कागजातको अभावमा धेरै नेपाली मलेसियाको जेलमा

बैध कागजातको अभावमा धेरै नेपाली मलेसियाको जेलमा

काठमाडौँ । वैध कागजातका अभावमा मलेसियामा धेरै नेपाली आप्रवासी श्रमिक...

प्रवासी नेपाली मञ्च पोर्चुगलको अध्यक्षमा दीपक खत्री सर्वसम्मत

प्रवासी नेपाली मञ्च पोर्चुगलको अध्यक्षमा दीपक खत्री सर्वसम्मत

लिस्बन (पोर्चुगल) । प्रवासी नेपाली मञ्च पोर्चुगलको छैटौँ अधिवेशनले नयाँ...

नेपाली दूतावास रियाद र क्यानबेरामा भवन निर्माण हुँदै 

नेपाली दूतावास रियाद र क्यानबेरामा भवन निर्माण हुँदै 

काठमाडौँ । प्रतिनिधि सभाको मङ्गलवार भएको बैठकमा प्रधानमन्त्री पुष्पकमल दाहाल...