२३ असोज, एजेन्सी । लिभरपुलका विङगर मोहमद सालाले खेल सकिने अन्तिम मिनेटमा गोल गरेपछि ईजिप्ट सन् रुसमा हुन लागेको विश्वकपको लागि छनोट भएको छ ।
अफ्रिकन मुलुकको समुह ई को छनोट खेलमा ईजिप्टले कंगोलाई २ १ गोल अन्तरले हराएको हो । ईजिप्टको जितमा दुवै गोल सालाले गरे ।
जित सँगै ईजिप्ट सन् १९९० पछि पहिलो पटक विश्वकपको लागि छनोट भएको हो । ईजिप्ट अफ्रिकन मुलुकको तर्फबाट विश्वकपमा छनोट हुने दोस्रो टोली हो । अफ्रिकन मुलुकबाट नै यसअघि नै नाईजेरिया विश्वकपको लागि छनोट भइसकेको छ ।
वि.सं.२०७४ असोज २३ सोमवार ०७:२४ मा प्रकाशित