विद्यार्थी भिसामा अमेरिकामा पुगेका गुल्मीका एक युवाले आत्महत्या गरेका छन् । १५ महिना अघि अमेरिका पुगेका गुल्मी श्रीङगा घर भई हाल काठमाडौं संखमुलका २३ वर्षीय प्रसिद्ध कँडेलले आफ्नै कोठाको लन्ड्री रुममा आत्महत्या गरेका हुन् ।
कंडेलले डिप्रेसनका कारण आत्महत्या गरेको बुझिएको अमेरिकाबाट संचालित अनलाईन नेपालयन्युज डटकमले जनाएको छ । उनको शब बाल्टिमोरको MAC NABB Funeral Home मा राखिएको छ ।
अमेरिकाको अलाबामाको विश्वविद्यालयमा अध्ययनका लागि पुगेका कँडेलले ८ महिना अघि मात्र बाल्टिमोरको सीसीबीसी कलेजमा अध्ययनरत थिए ।
शंखमुल निवासी चेतनाथ कँडेलका जेठा छोरा रहेका उनको दाहसंस्कार के कसरी गर्ने भनेर छलफल भइरहेको बताइएको छ ।
उनको दाहसंस्कारका लागि सहयोग गर्न बाल्टिमरवासी नेपालीहरुलाई अनुरोध गरिएको छ ।
जसका लागि कँडेलका भिनाजु सुजन भण्डारीलाई 410-236-1302, 443-454-0469 नम्बरमा सम्पर्क गर्न सकिने जनाइएको छ ।
वि.सं.२०७४ असोज २६ बिहीवार ०३:१० मा प्रकाशित
