Logo
१७ मंसिर २०७८, शुक्रबार
     Fri Dec 3 2021
E-paper
  English Edition
   Unicode
Logo

 पुल निर्माण अलपत्र सर्वसाधारणलाई समस्या



२८ असोज, जाजरकोट । जाजरकोट–डोल्पा सडकखण्डको वैरिताल चिसापानीबीचमा रहेको भेरी नदीमा पुल चार वर्षदेखि निर्माण हुन नसक्दा सर्वसाधारणलाई समस्या हुँदै आएको छ ।

दुवै किनारा अर्थात् चिसापानी वैरितालमा पिल्लरको निर्माणसमेत पूरा नहुँदा कामले गति लिन नसकेको हो । पिल्लर अधुरै छाडेको तीन वर्ष बितेको छ । पुलको स्लापलगायत अन्य कामको अत्तोपत्तो छैन । सडक विभाग र निर्माण कम्पनीको लापरबाहीले पुल निर्माण अलपत्र परेको स्थानीयवासीले बताए ।

आशिष निर्माण सेवा काठमाडौँले पुल निर्माणको जिम्मा लिएको थियो । रु आठ करोडको लागतमा निर्माण हुने ६६ मिटर लामो पुलको निर्माण अवधि गत मंसिरमै सकिएको चौरजहारीस्थित सडक डिभिजन कार्यालयका इन्जिनियर सुशील पौडेलले बताउनुभयो । निर्माण कम्पनीलाई ३६ महिना म्याद थपे पनि काम हुन सकेको छैन ।

निर्माण कम्पनीले बैरीताल पुल निर्माणका उपकरण तथा सामग्री अन्यत्रै लगेर काम स्थगित गरेको छ । व्यवसायीले हचुवाका भरमा दररेट हाल्ने, सम्झौता गर्ने, पेस्की लिने र काम गर्न आलटाल गर्ने प्रवृत्तिले अधिकांश पूर्वाधार अलपत्र परेको इन्जिनियर पौडेलले बताउनुभयो । “चालू आवमा पनि पुल निर्माण कार्य पूरा हुने सम्भावना देखिँदैन”, उहाँले भन्नुभयो । चालू आवमा पुल निर्माण सम्पन्न नभए ठेक्का सम्झौता तोड्नुको विकल्प नभएको उहाँको भनाइ छ ।

पुल निर्माण अलपत्र पर्दा जाजरकोट–डोल्पा सडक, नलसिंह गाड जलविद्युत्लगायत राष्ट्रिय महत्वका आयोजनाको निर्माणमा बाधा पुगेको छ । स्थानीय बासिन्दालाई आवतजावत र दैनिक उपभोग्य वस्तुको ओसारपसारमा समेत कठिनाइ भएको खगेनकोटका हरिबहादुर खत्रीले बताउनुभयो ।


यो खबर पढेर तपाईलाई कस्तो महसुस भयो ?

काठमाडौ । महाधिबेशनको संघारमा जुटेको नेकपा (माओवादी केन्द्र) को स्थायी समितिको बैठकले मंसिर १६

काठमाडौं । आज चार प्रदेशका विभिन्न भू–भागमा हल्का वर्षासहित हिमपातको सम्भावना रहेको छ ।

फर्शुराम भुर्तेल, पर्वत । गण्डकी प्रदेशको पार्टी सभापतिमा नेपाली कांग्रेसका केन्द्रीय सदस्य अर्जुन जोशीको

काठमाडौं । नेपाली सेनाको भर्ना छनौट निर्देशनालय कार्यरथी विभागले लेखा, जमदार, पुजारी हुद्दा र

काठमाडौं । तत्कालिन नेपाल कम्युनिष्ट पार्टी (नेकपा) भित्र विवाद सिर्जना हुँदै गर्दा तेस्रो पंक्तिमा