३१ असोज, काठमाडौँ । ईङलिश प्रिमियर लिगमा निकै स्तरीय प्रर्दशन गर्दै आएको टोटेन्ह्यामका प्रशिक्षक मौरिसियो पोचेटिनोलाई मंगलबार राति स्पेनको राजधानी भ्रमण गर्दा मुख्य चिन्ताको विषय हुनेछ रियल म्याड्रिड विरुद्धको ईतिहास । हुन पनि हो टोटेन्ह्यामले रियल म्याड्रिडको पोष्टमा अहिले सम्म गोल गर्न सकेको छैन् । यी दुई क्लब बीच अहिले सम्म सबैखाले प्रतियोगितामा ७ खेल भएका छन् जसमध्ये रियल म्याड्रिडले २१ गोल गरेको छ ।
आजको खेलमा लण्डन क्लब टोटेन्ह्यामको मुख्य चुनौती हुनेछ च्याम्पियन्स लिगको सबैभन्दा सफल क्लब रियल म्याड्रिड विरुद्ध गोल गर्दै एउटा विरासतको अन्त्य गर्ने जसको लागि टोटेन्ह्यामले निकै तयारी गरेको छ । घातक फरवार्ड हेरी केन तथा मिडफिल्डर एरिक्सन तथा डेले अल्ली जस्ता स्टार खेलाडीले भरिएको टोटेन्ह्यामले निकै राम्रो प्रर्दश्न गर्दै आएको छ ।
यस्तै स्पेनिश महारथी रियल म्याड्रिडले यो सिजन घरेलु लिगमा राम्रो प्रर्दशन गर्न नसकेपनि युरोपमा भने प्रभावशाली नतिजा हात पार्दै आएको छ । अझ भन्ने हो भने रियल म्याड्रिडले आफ्नो घरेलु मैदानमा खेलिएको च्याम्पियन्स लिगको खेलमा रियल म्याड्रिड २ वर्र्ष देखी अपराजित रहदै आएको छ । चयाम्पियनस लिगका सबैभन्दा सफल खेलाडी मानिएका स्टार फवार्ड रोनाल्डोले यो सिजन पनि ४ गोल गरिसकेका छन् । यस्तै लुका मोड्रिच, इस्को एसेन्सियो जस्ता स्टारहरुले समेत यो सिजन निकै राम्रो खेल पस्कदै आएका छन् । तर्सथ यस खेललाई विरासतको लडाँईको रुपमा लिन सकिन्छ ।
वि.सं.२०७४ असोज ३१ मंगलवार ११:३७ मा प्रकाशित