८ कात्तिक, काभ्रे । नमोबुद्ध नगरपालिकाले ताइवानी नागरिक लिउ मेङ इहीलाई सम्मान गरेको छ ।
इहीले समाजसेवाका माध्यमबाट नेपालका विभिन्न स्थानमा शिक्षा, स्वास्थ्य, खानेपानी, बाटो निर्माणका क्षेत्रमा योगदान गरेकाले मंगलबार उहाँलाई दोसल्ला ओढाएर सम्मान गरियो ।
उद्योग राज्यमन्त्री रेशम लामाले ताइवानमा जन्मेर पनि नेपालको पूर्वाधार विकास निर्माणमा इहीले पु¥याएको योगदानको सराहना गर्दै स्थानीयवासीले उहाँबाट प्रेरणा लिई सामाजिक विकासमा सहयोग गर्न आग्रह गर्नुभयो ।
नगरपालिकाका प्रमुख टिपी शर्माले उहाँले काभ्रे, कास्की, सिन्धुपाल्चोकलगायत स्थानमा करिब रु एक करोड लागतमा सामाजिक सेवा पु¥याउनुभएको जानकारी दिनुभयो ।
सम्मानित इहीले शान्ति र अहिंसाका प्रवर्तक बुद्ध जन्मेको मुलुक नेपालमा सामाजिक सेवा उपलब्ध गराउन पाएकोमा गौरवान्वित भएको बताउँदै आगामी दिनमा अन्य स्थानमा पनि सहयोग गर्ने प्रतिबद्धता व्यक्त गर्नुभयो ।
वि.सं.२०७४ कात्तिक ८ बुधवार ०६:३० मा प्रकाशित