Logo
१४ मंसिर २०७८, मंगलवार
     Tue Nov 30 2021
E-paper
  English Edition
   Unicode
Logo

निर्वाचनलाई शान्तिपूर्ण बनाउन जिल्लामा सुझाव संकलन



१३ कात्तिक, रत्ननगर, चितवन । प्रतिनिधि सभा र प्रदेश सभा निर्वाचनलाई शान्तिपूर्ण र व्यवस्थित बनाउन आइतबार जिल्लामा सुझाव संकलन गरिएको छ ।

मुख्य निर्वाचन अधिकृतको कार्यालय चितवनको आयोजनामा आइतबार जिल्लाका राजनीतिक दलहरूसँग सुझाव संकलन गरिएको हो । मुख्य निर्वाचन अधिकृत कुलप्रसाद शर्माले भयरहित र सहज रूपमा निर्वाचन सफल पार्न सबैको सहयोगको खाँचो रहेको औँल्याउनुभयो ।

विगतमा स्थानीय तहको निर्वाचनको भरतपुर महानगरपालिकाको मतगणनाका क्रममा देखिएको समस्यालाई मध्यनजर गर्दै आइतबार दलसँग सुझाव लिइएको चितवन निर्वाचन क्षेत्र नं २ का सहायक निर्वाचन अधिकृत गम्भीर घिमिरेले बताउनुभयो ।

सो क्रममा दलले भरतपुर महानगरमा मतपत्र च्यातिएको घटना स्मरण गराउँदै यसतर्फ गम्भीर हुन सुझाव दिएका छन् ।

यस्तै, उनीहरूले विगतमा सूचना प्रणाली व्यवस्थित नभएको, सूचनाबाहिर र भित्र फरकफरक आएको र सहकार्य नहुँदा धेरै कमीकमजोरी रहेको औँल्याएका थिए ।

नेपाली काँग्रेस चितवनका प्रतिनिधि भूपतिदास सापकोटाले सूचना प्रणालीलाई व्यवस्थित गर्न माग गर्नुभयो ।

नेकपा (माओवादी केन्द्र)का चितवन इञ्चार्ज ईश्वरी भट्टराईले निर्वाचन आचारसंहितालाई कडाइका साथ लागू गर्न निर्वाचन कार्यालयले ध्यान दिनुपर्ने सुझाव दिनुभयो । सूचना प्रणालीलाई व्यवस्थित गरी पत्रकारलाई गुनासो नआउने गरी काम गर्नसमेत उहाँले आग्रह गर्नुभयो ।

सो क्रममा नेपाली काँग्रेसका सचिव राजीव न्यौपाने तथा भूपतिदास सापकोटा, नेकपा –एमा)लेका प्रतिनिधि जगन्नाथ भण्डारी, माओवादी केन्द्रका नेता नारायण दाहाल तथा जिल्ला इञ्चार्ज सापकोटा, राष्ट्रिय प्रजातन्त्र पार्टी (प्रजातान्त्रिक)का अध्यक्ष बद्री तिमिल्सिनालगायत विभिन्न पार्टी प्रतिनिधिको सहभागिता रहेको थियो ।

चितवनका मुख्य निर्वाचन अधिकृत कुलप्रसाद शर्माले २०४३ सालदेखि नै निर्वाचन कार्यक्रममा आफू सरिक हुँदै आएको र २०५१ सालदेखि नै निर्वाचन अधिकृतको जिम्मेवारी जिएर काम गर्दै स्मरण गराउँदै निर्वाचनमा विवाद आउन नदिने प्रतिवद्धता व्यक्त गर्नुभयो ।

सो क्रममा यही कात्तिक १६ गते हुने मनोनयन दर्ताका विषयमा समेत छलफल भएको थियो । स्थान साँघुरो भएकाले व्यवस्थित रूपमा मनोनयन दर्ता गराउन सुरक्षा निकायसँग समेत समन्वय भइरहेको निर्वाचन अधिकृतको कार्यालयले जनाएको छ । मंसिर २१ गते चितवनमा तीनवटा निर्वाचन क्षेत्रमा नौ जना प्रतिनिधिका लागि चुनाव हुँदैछ । जिल्लामा ४०८ मतदान केन्द्र तय गरिएको छ । जिल्लामा कूल तीन लाख ५४ हजार ३६ मतदाता छन् ।

उम्मेदवारको टुंगो नलाग्दा जिल्लामा अझै चुनावी कार्यक्रम तीव्र गतिमा हुन सकेको छैन ।


यो खबर पढेर तपाईलाई कस्तो महसुस भयो ?

काठमाडौं । नेपाली सेनाको भर्ना छनौट निर्देशनालय कार्यरथी विभागले सैन्य पदका उम्मेदवारको लिखित परीक्षाको

काठमाडौं । तत्कालिन नेपाल कम्युनिष्ट पार्टी (नेकपा) भित्र विवाद सिर्जना हुँदै गर्दा तेस्रो पंक्तिमा

काठमाडौं । गत साता निरन्तर उकालो लागेको सुनको भाउ यो साता भने ओरालो लागेको

काठमाडौं । त्रिभुवन विश्वविद्यालय परीक्षा नियन्त्रण कार्यालय बल्खुले परीक्षा आवेदन भर्ने÷भराउने सम्बन्धी सूचना जारी