Logo
१३ मंसिर २०७८, सोमबार
     Mon Nov 29 2021
E-paper
  English Edition
   Unicode
Logo

अक्टोबर क्रान्तिका सिद्धान्तहरु शाश्वत र अविनाशी छन् – माओवादी



nekapa-maobadi-baidya
२१ कार्तिक, काठमाडौँ । नेपाल कम्युनिष्ट पार्टी (क्रान्तिकारी माओवादी) ले अक्टोबर क्रान्तिका सिद्धान्तहरु शाश्वत र अविनाशी रहेको बताएको छ । अक्टोबर क्रान्तिको शतवार्षिकीको ऐतिहासिक अवसरमा प्रेस वक्तव्य जारी गर्दै उक्त पार्टीले सो कुरा बताएको हो । वक्तव्यमा साम्राज्यवाद गम्भीर संकटमा फसिरहेको वर्तमान विश्वमा र नेपालमा पनि सर्वहारावर्गको नेतृत्वमा क्रान्ति आवश्यक तथा सम्भव दुवै रहेको बताइएको उल्लेख छ ।

वक्तव्यमा भनिएको छ

“रुसले रुसमा लेनिनको नेतृत्व रहेको सर्वहारा वर्गको राजनीतिक पार्टीद्वारा १९१७ अक्टोबर २५ (नोभेम्बर ७) मा सर्वहारा समाजवादी क्रान्ति सम्पन्न भएको थियो र आज सो क्रान्ति सम्पन्न भएको एक सय बर्ष पुरा भएको छ । महान् ऐतिहासिक अक्टोबर क्रान्तिले विश्व इतिहासमा गुणात्मक छलाङका रुपमा सर्वहारा अधिनायकत्वको नयाँ युगको थालनी ग¥यो । यस महान क्रान्तिले विश्वव्यापी रुपमा विश्व सर्वहारावर्ग र उत्पीडित जनसमुदायलाई धक्कामूलक प्रभाव पा¥यो र विभिन्न देशमा सर्वहारावर्गको नेतृत्वमा जनवादी तथा समाजवादी क्रान्ति सम्पन्न हुँदै आए । रुसमा एकातिर समाजवाद निर्माणका काम सशक्त रुपमा अगाडि बढ्यो भने अर्कोतिर तेस्रो अन्तर्राष्ट्रियको निर्माण गरी विश्वव्यापी रुपमा क्रान्तिको तयारीको प्रक्रियालाई अगाडि बढाइयो ।

यद्यपि, अहिले सोभियत रुस लगायतका क्रान्ति सम्पन्न भएका विभिन्न मुलुकहरुमा प्रतिक्रान्ति भएका छन् र पुँजीवादी तथा प्रतिक्रियावादीहरुले अब कम्युनिज्मको अन्त भएको घोषणा गरेका छन्, तर त्यो उनीहरुको दिवास्वप्न मात्र हो । माक्र्सले पेरिस कम्युनका सन्दर्भमा भनेझैँ अक्टोबर क्रान्तिका सिद्धान्तहरु शाश्वत र अविनाशी छन्, जबसम्म विश्व सर्वहारा वर्ग र उत्पीडित मानव जातिको मुक्ति हुँदैन, तबसम्म अक्टोबर क्रान्तिका सिद्धान्त बारम्बार प्रकट भइरहने छन् । अहिलेको पराजय अस्थायी तथा क्षणिक हो, साम्राज्यवाद गम्भीर संकटमा फसिरहेको वर्तमान विश्वमा र नेपालमा पनि सर्वहारावर्गको नेतृत्वमा क्रान्ति आवश्यक तथा सम्भव दुवै छ ।

आज विश्वका विभिन्न देश र नेपालमा पनि अक्टोबर क्रान्तिको शतवार्षिकी समारोह निकै उत्साह र उल्लासका साथ मनाइदै छ । यस महान् अवसरमा हाम्रो पार्टी विश्वका सर्वहारावर्ग, उत्पीडित जनसमुदाय र सच्चा क्रान्तिकारी कम्युनिष्ट पार्टी तथा संगठन र हाम्रै देशका जनसमुदाय र पार्टीका कमरेडहरुप्रति हार्दिक शुभकामना व्यक्त गर्दछ । अक्टोबर क्रान्तिको शतवार्षिकी समारोह मनाउनुको सार्थकता र वास्तविक मूल्य साम्राज्यवाद तथा विस्तारवादसहित सबै खाले प्रतिक्रियावाद र दक्षिणपन्थी संशोधनवादका विरुद्ध माक्र्सवाद–लेनिनवाद–माओवादको पथप्रदर्शनमा क्रान्तिको तयारीको दिशामा गम्भीरतापूर्वक तथा प्रभावकारी रुपमा अगाडि बढ्नु हो । क्रान्तिकारी लाल सलाम !”


यो खबर पढेर तपाईलाई कस्तो महसुस भयो ?

काठमाडौं । नेकपा एमालेका सचेतक विशाल भट्टराईले पार्टी केन्द्रीय सदस्यमा आफ्नो नाम नपरेपनि त्यसलाई

काठमाडौं । नेतृत्व चयनमा सर्वसम्मत गर्ने पार्टी अध्यक्ष केपी शर्मा ओलीको चाहना विपरित एमालेको

काठमाडौं । नेकपा (एमाले) नेता लालबाबु पण्डितले पार्टीको कार्यकारी पदमा नबस्ने घोषणा गरेका छन्

काठमाडौं । एमालेमा पार्टी विधानअनुसार ७० वर्षे उमेर हद पुरा गरेका केही नेता स्वतः

सन्सारन्युज । माओवादी छाडेर एमालेमा लागेका नेता रामबहादुर थापा ‘बादल’ एमालेको दशौं महाधिवेशनमा नराम्ररी